اخوي الكريم... اتمنى تقرأ ردي بتمعن..

مو كل ما يقال يصدق...

والناس تختلف في اسلوب التعبير من انسان لانسان.. وفيك ترجع وتقرأ ردود الاعضاء بكل صدق وامانه..

تلاحظ بعضهم يحثك على الشئ الودي.. والنقاش.. وبعضهم يوغر صدرك على ام البنت .. واهل الام..وكأن الام واهلها الشيطان..

وهذا من اعضاء مايعرفونك.. في منتدى.. كيف في مجال حياتك.. اللي ممكن مايحبون اهل الام.. ويحطون الظنون.. ويقولون الكلام..

وانا متأكده..70% من الكلام اللي يوصلك عن بنتك عن طريق النساء.. وانصحك لاتسمع لهم... لانه كل وحده تتكلم بايش تبغى.. وماهو بأيش المصلحه.. وتحكم بوجهة نظرها القاصرة..وهي ما طالعت كيف تتعامل مع عيالها..



الحياة اخوي ماهي فستان وهديه.. ولعبه .. الطفل يحتاج امه في مسائل اكبر من كذا..وفي مراحل عمريه متعدده..

وانت عرفت هذي الانسان.. وشفت كيف تعاملة مع بنتها وكيف تعاملة معك..طالع لها ايام الرخاء قبل المشاكل..

وهي ام.. والناس اذواق في الملابس..ممكن هي تشتري لها من الغالي وحلو في وجهة نظرها.. ولكن فلانه من الناس تشوفه بااااايخ وشكله كأنه رخيص وتتكلم..

ممكن فلانه شافت الطفلة يوم في اجتماع وكانت تعبانه.. وساكته.. وراحت تكلم بالتعميم انه كل ماشفتها حزينة ومن هذا الكلام..

اخوي لا هدايا الدنيا ولا العابها.. راح تعوض ريحة صدر امها.. ولا ضمتها بالليل..ولا سوالفها مع الام قبل ماتنام.. ولاشوفته امها بالصبح.. ولا بتعوضها كلمة ماما.. ووجود هذي الانسانة الرائعة..


اخوي اترك الناس كلهم على جنب.. واتجه للمولى القدير.. وادعي ربك وانت اب ودعائك مستجاب.. انه ربي يوفقك بنتك ويصلحها.. وانه امها تربيها على كل خير وفضيله.. وادعي ربك يسخر لبنتك الخلق... ويهديها لطريق الحق.. وابقى متواصل معها.. حدد يوم لها..تاخذها فيه وتخليها مع اخوانها يلعبون..وقوم اللي مايعجبك باسلوب التفاهم والحوار..بدون العنف ابدا.. واسأل الله بصدق السؤال اذا بنتك حياتها افضل عندك يهيئ لها الاسباب وتجيك..



الطفل حساس.. ممكن ولادة اخ جديد له تسبب له صدمه نفسيه.. كيف أخذه من امه..وانا صحيح عضوه من منتدى.. لكن واقعي في حياتي اشتغل على فئة اطفال المطلقين والمحرومين.. وكيف الحرمان من امهاتهم مأثر فيهم.. وكيف سلوكياتهم.. اللي ممكن لا الاب ولا زوجته ولا احد من محيطين الطفل يكتشفونها..احنه نكتشفها لهم.. ومنها ندخل واقع حياتهم..ونحاول نقوم مايمكن تقويمه.. فعلا شغل على الاعصاب.. لاننا نتعامل مع حالات انسانية.. ومنها اقولك.. لاتاخذ الطفلة من امها.. ما ابي بنتك ولا اي طفلة تعيش واقع عشته لاطفال انحرموا من امهاتهم..


وربي يوفقك للخير...

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء