أختى العزيزة أموت فى أولادى فعلا أوعدك انى هأشيل الموضوع من رأسى لحد ماهو يحس ده لو حس
عاليتى أميرات تعلمين تماما أنة أثق بآرائك الحكيمه كما تعلمين أنى لا أستطيع ذكر كل شيء على الملئ فأنا تكلمت عن جزئية تعابتنى جدا ومسببه لى ألم بحياتى وهى تأخر الانجاب
صدقينى لن أخدع نفسى أو أخدعك ......... فأنا أعترف تماما أن المشكله فى أنا قبل منه
ولكن تعالى لنناقش الموضوع من زاوية عقلانية ...... أنتى حينما تكونى مريضه ولا تستطيعى التحرك من السرير وزوجك واولادك شالوكى سنه واثنين الن تستحى على دمك بعدها وتفكرى فى انهم ضحوا من اجلك وتحاولى ان تكشفى عند الطبيب أو تأخذى دواء حتى تشفى ........ وأنا كل ما أطلبه هو ان يشعر بأننى مستنزفه ولم أعد أحتمل ........... كل ما يضايقنى هو اللا مباله ...... لقد اشتريت له الدواء بنفسى وهاهو انتهى تاريخ صلاحيته ولم يأخذه .........
فهل يرضيكى هذا التصرف
ولعلمك انا ايضا مجبوره على هذا الشيء فلست مستعده فى كل وقت ولكنها تعليمات الطبيب ولابد من الالتزام بها من باب الأخذ بالأسباب
أنا رأيي انه على الأقل يعمل اللى عليه علشان لما افكر مع نفسى الاقى له مبرر وأقول والله الراجل عمل اللى عليه وربنا مش رايد تبقى دى ارادة ربنا بقى
أنا لا اتجنى عليه أنا اعرف فضله وأعرف أنه أحسن من غيره ومستعده لتحمل ظروفه لكن لا بد من اتخاذ موقف من هذه المسأله ......... وهل يرضيكى انه يقول لى اعملى عمليات على حسابك وهو يعلم تماما ان لاعمل لدى كى انفق منه على عملياتى
هل هذا رد
هل يرضيكى ان تخفى امه على خبر حمل اخته الكبيره التى كانت متأخره فى الحمل سبع سنوات بالرغم من انى كنت ادعى لها ليل نهار وحلمت لها حلم جميل انها اجبت ولد وبالفعل كانت وقتها حامل ولما حكيت لأمة تخبى على وتقول لى هى خلاص فقدت الأمل فى الخلفه وبعدها اعرف أنها انجبت من شهور بدون ما يخبرونا ولما جيت أقول له بكره ربنا لما يرزقنا بالخلف هنبقى نخبى عليهم احنا كمان يقوم رده على انه يقول لى انتى عمرك ما هتخلفى فى حياتك !!!!!
يا أميرات أنا لم اتكلم الا لما فاض بى
أنا فقط أريده يشعر بى ويواسينى ويعطينى أمل بأن غدا أفضل ويعمل اللى عليه ونترك الأمر كله لله
فشتان بين التوكل والتواكل
خذى بالك من ان الأيام بتجرى وعمرنا بيمر بسرعه وفجأة هلاقى نفسى وصلت الخمسينات ووقتها لن ينفع الندم ولن تنفع العمليات وسأظل متألمة على حالى باقى العمر
أنتى ربنا يخلى لك عيالك ......... لو كنتى جربتى الحرمان من نعمه جميله زى دى كنتى هتحسى بى
أنا بأتقطع من الحزن والهم يوميا ولم أعد أشعر أنى أنثى وأصبحت أخاف على ابنى خوف مرضى والهواجس برأسى لا تنتهى وهو ولا مقدر هو عايزنى بارده ومبتسمه طول الوقت
ياناس المفروض يحس بي
التعديل الأخير تم بواسطة sa33 ; 24-01-2009 الساعة 05:10 PM