حبيبتي لا تستعجلي وتاخذي قرفة ولا شي
غيري الدكتورة وشوفي وحدة ثانية اش بتقولك
خالتي كانت مثلك والله وكان ما يبان شي في السونار ولا الدم واحتارت وكانت متنكدة وتبكي مثلك
وتقريبا 3 شهور والدورة ماتنزل إلا دم خفيف بس وهي شاكة انها حامل وكذا دكتور قالها مافي حمل
شربت قرفة واخذت ابر تنزل الدورة ومشيت كثير عشان تنزل الدورة وترتاح
ولما راحت لوحدة تمرخ بطنها اول ما حطت يدها على بطنها قالت لها انتي حامل روحي اكشفي
ماما تقولها مش حامل وكشفنا لها 3 شهور قالت لا بطنها تبين حمل وماراح امرخها ابدا بس ضغطت على بطنها شوية وبس
بعده بإسبوعين راحت المستشفى لنفس دكتورتها واستغربت للآن ما نزلت الدورة وقالت لها قومي اشوفك على السونار مرة ثانية
وسبحان الله شافت كيس الحمل ....الدكتورة اتعجبت وقالت طلع منين ده
وشوفيها ما شاء الله بنتها عمرها دحين 11 سنة الله يحفظها
وفي ولدها الثاني نفس الحكاية مافي كيس والدم سلبي وهيا خلاص عرفت وبعد 3 شهور راحت وبان الكيس
والله لو ما مرت الحالة هاذي قدامي ما صدقتها لكن عشت كل لحظة معاها
كثير حريم يختلفوا وتشوفي وتسمعي اشياء عجيبة يمكن تكوني مثلها ويظهر الحمل إن شاء الله وتفرحي يا نوجا
سامحيني طولت عليكي بس بأعطيك شوية أمل إن شاء الله حامل وربي يثبته لكِ يا قلبي
بشرينا بالإخبار الحلوة
تحيــــــــــــــــــــــــــــاتي