أهلا أختي احساس المحبين
الصراحة انه المشكلة تافهة و ما بدها كل هالعصبية منك
يعني شرعاً وين الغلط لو تكلمتي مع رجل مشان شي ضروري ما كان لازم تتضايقي منه لما نسي يرد عليكي و تكلم معك صاحبه
و بالنسبة لخناقاته معك بانك ما تكلمي اللي بالسوق هذا طبيعي اذا هو كان معك هو اللي بكلم الرجل مو انتي
و مو مشان الرجل ما يسمع صوتك انما لأني زوجك معك و له القوامة و مالها داعي انك تتلكمي اذا زوجك موجود
على كل حال اختي هالمشكلة سكري عليها و لما يبدأ يوم جديد داااااااااائماً حاولي مع زوجك تفتحي صفحة جديدة و اليوم اللي بنتهي بمشكلة ما تناموا حتى تحلوها
مو معقولة تبقي على طبعك هذا و انتي ما بتشوفي زوجك إلا بوقت قليل
انتبهي لأني ما في أسوأ من الزوجة النكدية و آخرتها الزوج بروح ببحث عن غيرها
امرأة تكون رايقة و متسامحة و يترك الزوجة القديمة كل ما عملت مشكلة يحطها حجة و يروح يتزوج عليها
أختي أنصحك انك الآن تصغري الأمر بعقلك و ما تفكري فيه و متل ما زوجك بتصرف عادي تصرفي عادي
و استغلي أقرب فرصة و قبلي فيها زوجك و افتحي صفحة جديدة بقلبك
ساعات الحياة هذه محدودة صدقيني عيشيها بسعادة و افرحي و انسي الزعل و لا تنكدي على حالك الموضوع مو مستاهل لاحقة على الهموم و المشاكل لما يكون عندك 5 أطفال و هدا اليوم تخانق مع صاحبه و التاني ما نجح بالامتحان و التالت حب فتاة في الانترنت لا سمح الله طبعاً لكن الزمن اللي انتي فيه لن يتكرر عيشيه و كأنك بشهر العسل و جددوا الحب بينكم كل فترة و تانية و انسو االزعل
كيف لو كان الموضوع أكبر من هيك يمكن من اولها تطلبي الانفصال لا سمح الله
أسأل الله ان يديم الحب بينكم يا رب
__________________
.
.
استودعتك أهلي في سوريا يا من لا تضيع ودائعه