السلام عليكم

صراحة الي عم يصير معي والدتي حطت براسي فكرت انه زوجي مايلمسني قبل مايعمل تحاليل امي تقول انها خايفة علي لايكون زوجي مسوي شي غلط بهل الفترة وينقل لي شي مرض لي وللبيبي امس جى زوجي واخوه ورجال عندنا وصار الي قلتلكم عليه وقعدنا وانبسطنا ولما الناس راحت كان زوجي ناوي يبقى عندي لان الوقت إتأخر والصبح نروح على الدوام مع بعض بس دق موبايل زوجي بهل الوقت وماكان موجود عند الموبايل المهم لما جى قلت له موبايلك دق رقم غريب ارضي مين عم يتصل فيك بهل الوقت قال مابعرف مابدي ارد الي بدو شي برجع يتصل مرة ثانية انا هون جنيت واصريت وكانت والدتي قاعدة قلت له يمكن في شي ضروري اتصل وشوف مين حسيت انو لو كنا لوحدنا على كثرماعصب كان ممكن يعني توصل معو يمد ايدو علي بس اتصل وطلع صاحبو يلي بنام عندو كل يوم عم يطمن عليه ويسأل اذا جاي ولا لا طبعا هو ادايئ من تصرفي وخاصة انو والدتي كانت قاعدة وسحب حالو وكان بدو يطلع حكينا كثير ومن ضمن الكلام الي قاله زوجي انو انتي ماراح تبطلي شك وراح تخلي عيشتنا على طول هيك نكد ليش
بعدها حاولت قد مااقدر مااخليه يطلع وهو مدايئ ونام عندي بس اول مانمنا ولا كأننا بنعرف بعض ابدا وكانو في جبل بيني وبين زوجي هو كان مفكر اني راح كون عاروستو هل الليلة بس ابدا ماصار هيك شي حطيت راسي ونمت كنت تعبانة ومدايئة وقرفانه وزهقانة وكل شي بالدنيا فيني وعندي دوام الصبح بكير والله والله والله ياجماعة لما حسيت على زوجي بليل كيف لما غفي حضني وايدي طول الليل ماسكها ويبوس فيها ويبوس براسي وانا عاطيتو ظهري والله ئديش حسيت حالي ظالمة وانانية وكل مااحاول اني اقرب منو وكأن الشيطان يوسوس لي لا ابعدي عنو يمكن مسوي اشياء غلط وهو بعيد عنك وينقلك المرض هل المرة موصحتك لوحدك في بيبي صغير معك واقول بنفسي من بكرا الصبح راح اخليه يعمل تحاليل لكن مابعرف شو راح تكون ردة فعلو ابدااااا وخايفة اصلاً احكي بالموضوع معو انا متوقعة توصل معو ويقلي لكان لاتقربي علي ولاانا بلمسك طول العمر هيك بتظمني انو مايكون فيكي شي وماراح اعمل التحليل حتى باب الغرفة ماسكرتو انا قصداً حتى مايصير شي بينا وهو ماقدر يسكر الباب من نفسو لان حاسس حالو غريب اكتر من قبل وعم يتحسس من أي شي اكتر من قبل ومانو مرتاح بالوضع مابعرف صراحة مابعرف تعبانة كير حبيت احكي لكم الي صار من جد تعبانة الله يفرجها علينا يارب