شوفي اختي انتي ممكن تقنعي زوجك وتتفاهمي معاه ان اهله مو محتاجينك في شي وانك بترتاحي اكثر عند اهلك وكمان قولي له وعد مني ما اخليهم وراح ازورهم حتى لو مداني كل يوم وماراح اقصر عليهم بشي بس انا راحتي عند اهلي وانت مو موجود ..
وانتي كمان اذا وافق خايك عند وعدك واليوم اللي مايمديك تزوريهم كلميهم بالتلفون وقبل مايرجع عالاقل بيومين ارجعي لبيتك ونظفيه ورتبيه وبخريه وجهزي نفسك لاستقباله وياليت يكون استقبالك له في البداية عند اهله بعدين انزلي لبيتكم واستقبليه مرة ثانية استقبال خاص فيكم والله راح تكبري في عينه وماراح ينسالك اللي سويتيه ..
وكمان استقبالك له عند اهله عشان ماتحطيه في موقف صعب ويقعد يفكر ابدا اروح لمين يمكن يروح لاهله اول وتخدي في خاطرك وتقولي ماعبرني واذا بدا فيك اهله كبار في السن وراح تحز في نفسهم وفي رايي هم اولى يبدا يسلم عليهم منك وخاصة ان امه تعبانة وماتقدر تمشي ..
اما اختي اذا ماوافق انك تروحي لاهلك فطيعي زوجك وبري اهله وخاصة ان بيتك عندهم وهما لوحدهم ماعندهم شباب يعني ماراح يتغير عليك شي وصدقيني اذا سمعتي كلامه يمكن يعوضك ويجلسك عند اهلك بعد مايرجع كمكافاة لك ..
اختي رددي (اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة )