أختي

تتكلمي عن مشكلتك كأنك تتكلمي عني

نسخخخخخخخخة و بزيادة إني جالسة أصرف عليه و على الولد

شوفي أنا أبغى أعطيك الحل اللي نفع مع زوجي - بس مو شرط يتفق مع زوجك

1 - زوجي كان يقول نفس الشئ ، اليوم اللي يتدخلوا فيه الأهل فمعناه شئ واحد و طبعا قصده الإنفصال

و أنا صدقته بس ما كنت خايفة من تهديده ، كنت ما أبغى أدخل أحد إلا يوم أوصل لمرحلة أتعب فيها

و أفقد الأمل نهائي

2 - هو يوم شافني ما أدخل أهلي و لا أهله ، حاله بدأ يزيد - طبعاً أنا ما كنت عارفة السبب بس عرفت بعدين و زي اللي تطمن باله إنه زوجته ما راح تشتكي لأحد

3 - زاد حاله و صار يرد علي بنفس الطريقة اللي إنت توصفيها و تعبت من جد منه

4 - استخرت كثيــــــــــــــــــــــــر و قمت دعيت ربنا في الليل

5 - قمت و اتصلت على أخوي الكبير و قلت له إني بأنفصل عن زوجي و دخلت أهلي في الموضوع

6 - كنت ناوية من جد أتركه لإني ما صرت أتحمل طيشه و هو في نفس عمر زوجك تقريبا و رامي كل شئ علي

7 - المهم بإختصار ، كنت قوية المرة هذه و حازمة معه و كنت بالفعل ناوية أتركه لإني فقدت الأمل

8 - يوم شافني من جد من جد من جددددددددد مصممة و ما لنت على كلامه و كل شوي كنت أقول بداخلي ، لا تليني خليك قوية ، أتركيه كمان شوي المرة هذه ، لا تليني له لا تليني له ( لإني مجرد ما ألين يرجع مثل قبل ) و هو شافني مصممة على موضوعي

9 - قلت له ، ترى كلمت أهلي و هم خلاص بينهوا لي الإجراءات الإنفصال ، قلت له قلت لأخوي عنك و إيش بتعمل فيا و استحى وقتها من نفسه ( الرجال ينحرج من الرجال ) عرفت الشئ هذا من وجهه

10 - سبحان الله ، تغيـــــــــــــــــــــــر 180 درجة ،، و صار يعاملني مثل زمان و أحسن و بدأ يوعدني إنه يرجع للأحسن

11 - قلت له ، خلاص انتهى وقت الكلام ، أنا تكلمت كثير زمان و ما في شئ دحين نتكلم فيه ، تبغى تتكلم كلم أهلي ( طبعا أنا ماسكة على نفسي بالقصد و مقسية قلبي مثل ما قسى قلبه علي و أبغاه يحس فيا )

12 - هو يوم حس إنه من جد الموضوع و أنا أكلمه إنه خلاص يا عزيزي ، صح أنا أحبك و أبغاك و أبغى أعيش معاك ، لكن صحتي و نفسيتي أهم عندي من كل شئ

13 - ندم على كل شئ سواه و صار أحسنننننننننننننننننن

14 - حطيت له شروطي ، و ماتنازلت عن شرط ( حتى لو شروط تعجيزية ، بس قدامه ) يعني ما أصرف أي قرش عالبيت و هذه مسؤولياتك إنت و ربي يحاسبك عليها ، و أنا عارفة بداخلي إني مستحيل ما أصرف على بيتي ، بس من غير ما أبين له



الزبدة

اكتشفت إنه كلامه لي - إنه مجرد تدخل أهلك فمعناه الطلاق ،، تراه كذب

لإنه هو الغلطان و ما راح يقدر يواجه أهلك

أنا ضد تدخل الأهل بالمررررررررررررررة ، بس كان لازم وقتها أحد يوقفه عند حده

و مثل ما قلت لك ، فكري كثير و استخيري و أنا حبيت أفيدك من تجربتي لإن مشكلتك نسخة من مشكلتي