وعليكم السلام ورحمة الله وبركاته


الله يسهل أمر سفركم يارب ,,, وبالنسبه لولدك لا تقلقين بأذن الله لكن غالباُ راح يكون أول شهر على الأقل صعب عليه جداُ بحكم أختلاف اللغه لكن الأطفال يتعلمون بسرعه ماشاء الله

أنا مثلك مغتربه في كندا لي اربع سنوات وفي البدايه عانيت مع ولدي كان عمره سنتين ونص لدرجة أني استسلمت وقلت خلاص راح اخليه يجلس عندي في البيت لكن مدرسته قالت لا ترا تصرفه طبيعي وفعلاُ بعد ماكمل الشهر صار الوضع عادي عنده وبعدها صار ماعاد يحب يفوته يوم واحد ,,, لأن عندهم أساليب لجذب الطفل رااااائعه بصراحه ومن ناحية انه ماراح يفهم لهم أكيد ماراح يفهم لكن المدرسه راح تساعده في هالشي وفي البيت انت ساعديه حطي له قناة أطفال يتعلم منها بسرعه



وبالنسبه لدراستك ووقتها اعتقد مناسبه وهذا يحدده استقراركم هناك وتأقلمكم مع الوضع

ومن ناحية الحجاب وغيره فهميه أن أحنا مسلمين وفيه اشياء احنا نسويها وهم مايسوونها والعكس صحيح لانهم مو مسلمين واتوقع راح يفهم لانه ماشاء الله كبير


الله يهون عليكم غربتكم وتقضونها على خير يارب

__________________