اقتباس:
المشاركة الأصلية كتبت بواسطة حياتي أليمه
له غرفه هوووو لحاله في بيت اهله ...
بس ما يفكر يعزمني فيها ... ولا يقول تعالي نامي معي
|
يا سلام ايش هذا الكلام يا حياتي ..
يمكن زوجك منتظرك انت اللي تيجي من نفسك ..
انا لو مكانك تدري وش اسوي ؟؟؟
اروح اشتري اجمل مفرش للسرير و قطعة سجاده حلوه و ابجورات ناعمه و طاوله حلوه للتلفزيون و رسيفر
و اروح اضبط الغرفه و اعطرها و ابخرها و اعملها زي غرفة المعاريس ..
واقول له من اليوم و رايح انزل معك في بيتك اهلك و اروح زياره لبيت اهلي ..
و مستحيل انام بعيد عنك .. راسي و راسك على مخده وحده ..
يعني وش تتوقعين راح تكون ردة فعله .. اكيد راح ينبسط منك كثير و يحس انك مهتمه فيه ..
اختي انت اللي بادري هذه حياتك و تمسكي فيها زين ..
انت الانثى خليك ذكيه و داهيه كمان ..
واذا رحتي بيت اهله اهتمي فيه و في اكله و ملابسه يعني تصرفي كأنك في بيتك و تقربي من اهله
وساعديهم في شغل البيت .. صدقيني راح ينبسط منك كثير ..
الحياه الزوجيه تستحق ان الواحد يخطط و يفكر و يتكتك عشان تمشي الحياه يا اختي ..
خليك لهلوبه .. جربي ما راح تخسري شي ..
ربي يسعدك ..