شوف اخي ليش يائس ولا تسمع كلام ((رجل طيب جدا)) ابدا ابدا هو قال لك بنفسه انه مافيه صبر ولا حاول يغير لكن انت احس انك ودك تغيرها وتعيش سعيد معاها ..
انا راح اتكلم من تجربة شخصية خاصة بي انا انا من مدينة وتزوجت قروي لكني تزوجت صغيييييييييييييييرة ما افهم شي ابدا ونقلت للقرية وهو طباعه طبعا زي اهل القرية مايعرف في امور الحياة الزوجية الا الفراش ومسؤليات البيت وانا نفس الشي زي ماكنت اشوف امي انظف البيت واطبخ واغسل وانام واهتم في عيالي وووووو...واتمرينا كذا خمس سنوات من عمر زواجنا ((حتى دايما الايام هذه اقول لزوجي هذه الخمس سنوات ماتنحسب من عمري لاني ماعشتها ))
لكن لما كبرت ووفهمت ووعيت صح واحتكيت ببنات يفهموا وكلهم زوجات زملاء زوجي وشفت كيف تعاملهم وكيف حياتهم وبدات اشتري كتب انا لنفسي واقرا واثقف نفسي بنفسي لان في داخلي شي يقولي حياتنا غلط ليه حياتنا مو زي اللي اشوفه في المسلسلات ولما جبنا الانترنت كمان شبعت نفسي من كل اللي ابغاه بس بصراحة ماكانت عندي جراة اني ابادر وزوجي خجول مايتكلم وانا كنت داخلي بركان ثاير جيعانه للعاطفة والرومانسية لاني اكتشفت انها طبيعتي وبدات المح والمح لكن لاحياة لمن تنادي و وجلست معاه جلسة مصاااااااااااااااااارحة وطلعت اللي في قلبي والحمد لله تغيرت حياتنا 180 درجة وصار لنا الحين 19 سنة في سعادة ورضى الحمد لله الا من بعض البهارات اللي اذا ماجات اجيبها بالقوة عشان الحياة تتجدد واتغلى شوي هههههههههه..
هدي بالك واصبر واتحدى نفسك في انك تغير زوجتك صدقني راح ترتاح انا دايما اقول لزوجي انت اللي مربيني صار لي عايشة عندك اكثر من عيشتي عند اهلي لكن مانسى فضلهم الله يطول في اعمارهم ويبارك فيهم ويحفظهم ...اميييين
وردد دايما ((اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة ))