لا حول ولا قوة الا بالله
ليه كده بس
وايه اللى فتح كل المواضيع ده
مش المفروض هو كان جاى علشان
يتكلم فى موضوع الشقة ويحدد ميعاد
البناء مع الوالد
طيب ايه اللى خلى اهلك يقولوا هذا الكلام
هل حدث شىء فى الجلسة
او حدث موقف من خطيبك او والده
يعنى يا اختى احنا لازم نعرف شوية تفاصيل
علشان نقدر نحكم بالعقل وبعيد عن العاطفه
عموما يا اختى انا عاوز فى كل دعائك
تقولى يا رب لو فيه الخير تمم لى
ولو فيه شر لا قدر الله اصرفه
ثم احب ان اضيف انك الى الان لا تعرفيه كويس
يعنى الزيارات والتليفون لا تكفى للمعرفة
والمشكلة الحقيقية هل هناك اى معرفة
او احتكاك بين اهلك وبينه حتى يحكموا
عليه بالخبث او المكر
ام فقط لله فى لله
لو كان كده اعتقد ان كل ضيقتهم بسبب
فراق السن وانهم شايفين انه كبير عليك
واحب ان تذكريهم ان الرسول الكريم
صلى الله عليه وسلم تزوج السيدة
عائشة وكان هناك فارق كبير جدا
وكذلك كثير من الصحابة الكرام
ثم ان فارق السن 15 سنه ليس بالكثير ابدا
ولو ننظر الى رجل فى الخمسين سنجد انه
مازل شاب ومن المعروف ان البنت تكبر قبل
الرجل يعنى لو نظرنا الى بنت عمرها 40
ستظهر اكبر بكثير من سنها
وطالما انه هناك تفاهم فلا مشكلة ابدا
ثم انك الان عاقدة وليست خطوبه حتى
يتم التعامل مع الموضوع هكذا
يعنى لازم يحسيبوا الموضوع صح جدا
ولازم يكون فى اسباب حقيقية وقوية جدا
للسير فى اتجاة الانفصال لا قدر الله
اما موضوع مقبوضين والحاجات ده
طبعا ده لا يرضى الله وكمان بيكون
فيه ظلم على الرجل وبعدين الان
بيقولوا كده كان من الاول معليش
يمكن يا اختى السبب انه ملتحى
وطبعا الاعلام بتاعنا بيشوهه الصورة
لاقصى درجة عن الملتزمين والملتحين
وبيظهرهم ارهابين ومنافقين
حسبنا الله ونعم الوكيل فى هذا الاعلام الكاذب
اختى الموضوع عاوز صبر وحكمة فى تناوله
وبعدين ربينا يخلى لك بابا ويحفظه
انت خليك معه وطبعا هو كبير العائلة
ولا توجد كلمة بعده وايضا هو من الخبرة
فى الحياة التى تجعله يقدر يحكم على
الناس ولا يوجد من يحب لك المصلحة
طبعا وبكل تأكيد اكثر منه بأذن الله
اتكلمى معه بالراحة كده وحاولى تتفاهمى معه
ونسأل الله ان يقدر لك الخير
بس آخر نقطة احب اذكرها
ان الدين والالتزام كما علمنا رسولينا الكريم
عليه افضل الصلاة والسلام
ليس لحية ولا كلام ولا حفظ لكتاب الله
بل عمل بكتاب الله وسنة رسوله
ولقد قال عليه الصلاة والسلام
الدين المعاملة
وفقك الله اختى لما يحب ويرضى
__________________
قال الله تعالى
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}
يُرْسِلِ السَّمَاء عَلَيْكُم مِّدْرَاراً {11} وَيُمْدِدْكُمْ بِأَمْوَالٍ
وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}
التعديل الأخير تم بواسطة abo marym ; 31-01-2009 الساعة 06:59 PM