المشاركة الأصلية كتبت بواسطة sa33

يا حبيبتى المرأة جسمها ينتج بويضة واحدة غالبا كل شهر وبتنزل كل شهر بويضة من احد المبيضين بمعنى انه فى شهر المبيض اليمين هو اللى ينتج البويضة وفى الشهر اللى بعدة الشمال هو اللى ينتج البويضة وهكذا وأنا ارى انه عادى الشهر ده المبيض اليسار هو اللى فيه البويضة وهى صغيرة لأنك لسه ما وصلتيش لأيام التبويض فالبويضة هتستمر فى النمو وتكبر لحد ما يبلغ قطرها حوالى 1.8 أو 2 ملم ووقتها بتكون جاهزة للتلقيح وبتظل مستعدة للتلقيح مدة من 12 الى 24 ساعة فقط ويجب الجماع فى اثناء هذا الوقت او قبله بيوم واحد فقط لأن الحيوان المنوى كمان بيأخذ وقت فى رحلته حوالى 16 ساعة لحد ما يوصل للبويضة ويلقحها
اتمنى اكون افدتك
اما بخصوص الكشف على الصدر فهى تفحصة للتأكد من عدم وجود اورام واضحة ولا لبن لأم ممكن يكون هرمون الحليب مرتفع ولو ان فحصة المفروض يكون عن طريق تحليل الدم
وكذلك الرقبه فهى تفحص الغدة الدرقية
ونصيحة منى عندما تكونين عندها لا تخافى منها مهما كانت مشغوله ومعصبة اسأليها كل الأسئلة اللى فى بالك واطلبى منها تفهمك وضعك بالضبط حتى ممكن تكتبى كل ما يدور فى بالك من أسئلة فى ورقة وتأخذيها معاكى حتى لا تتوترى وتنسى بعض الأسئلة
عزيزتى هذا هو دورها وهذه هى وظيفتها فلا بد من حثها على القيام بها ولو بالعافيه
ربنا يرزقك ويرزقنى الذرية الصالحة ويرزق كل أخواتى عاشقات حلم الأمومة