تكملة مشكلتي, آآآآآخ يا قلبي الحيرة راح أتموتني
الله يعطيكم العافيه كلكم والله أحس أنكم صج حاسين ابمعاناتي و باين من طريقة ردكم أنكم فكرتوا صح بالمشكلة,
طبعا آنة آخر مرة رجعت فيها لبيت أبوي قررت أني أغير تصرفي معاة و أدوس على قلبي و أنساة لين يحس ابغلطتة و يرجع ندمان أنة ظلمني ابشكه فيني, و خليت السالفه تآخذ وقتها لين تظهر كل الحقائق خاصة و آنه عندي ثقة كبيرة بالله انه راح ينصرني لأن الظلم اللي أنظلمته مو طبيعي و الله أعلم بمدى حبي له و أخلاصي,
بس المشكلة اذا كانت السالفة مرض نفسي حيث أني أستشرت فيها أكثر من أحسن الأطباء النفسيين اللي شرحت لهم الحالة بالضبط و أكدوا لي أن الاعراض تتوافق مع مرض نفسي معين و في هذي الحالة مستحيل يقتنع أنك بريئة بدون لا يخضع لعلاج لأن شكوكه مصدرها رأسه و هي ثابته و أستحالة أنها تتغير لو جبتي أدلة الدنيا كلها, و هذا اللي شجعني أني أصبر عنه و أنطر المدة هذي كلها على أساس أني أترك الأيام تكشف المسيور قدام أهلة لأني علشان أساعدة أحتاج مساندة أهلة لي و علشان يقتنعون لازم يشوفون أبعينهم الأشياء الغريبة اللي كنت أشوفها,
لكن لسوء حظي أن بعد هذا الوقت كلة أكتشفت أنه الى الأن مشكلتة علي آنة بس و آخر مرة كلمتني فيها أخته كان قبل فترة قبل ما أتروح الحج أتصلت تطلب مني أحللها لأنها على حد قولها أنها زعلانة معاه و مو راضيه أنها أتكلمه على اللي سواه فيني و ردت و قالت أن حسبي الله على الناس اللي ما يتركون حد في حاله و ما يرتاحون اذا شافوا أثنين متهنين, آنه أكتشفت بالصدفه نه في الماضي البعيد كان يتعاطى حشيش أما الآن ألف بالمية أن ماكو شي من هالقبيل فسؤالي هل ممكن أن تعاطي مثل هذي المادة يأثر بعد سنوات!!! و لو أني سألت فيها أختصاصي اللي أكد لي أن تأثير هذي المواد يكون سئ في وقتها فقط لكن العلاقة ممكن أتكون أن المرضى النفسيين هم للي يتجهون لتعاطي هذي المواد, لكن السؤال يطرح نفسة لو كان السبب مرض نفسي أو تعاطي أيشمعنا علي أنى بس و أشلون ماشي عادي و يمارس حياتة بشكل طبيعي مو المفروض أن هالشيين يأثرون على حياتة العامة!!!
و على فكرة أنى أرسلت له خالي اللي أهو صديق أبوه حييل على أساس جس النبض على موضوع الانفصال و خالي أكد لي أنه طبيعي و ما فيه شئ بس قال لابوه أنه ما يبغى الطلاق علشان لايظلم البنت يعني لي الحينه مصر أني أمسويه شي ( و على فكرة أبوه واقف أبصفي و يقول أني أنا الداخلة في بيتهم و هو الطالع و أن هو غلطان في كل اللي سواه لاني أنا آخر واحدة في الدنيا يشكون فيها!!!! أيشرايكم أنتوا!!!!!! أبغى ردودكم الله يعطيكم ألف عافية
التعديل الأخير تم بواسطة عبـدالعـزيز ; 04-02-2009 الساعة 02:10 PM