الله يعينك
أنا مجربة اللي انتي مجربتيه مع صديقة كانت جارتي بأيام الجامعة وكانت كل أغراض بيتنا لازم تروح تعمل زيارة ببيتها
يعني مثلا ما اشترت هوفر لأني عندي هوفر بتاخدها و بتستعملها متى شاءت
عجبتها ريحة ملطف الجو بتاخدو و بتمشي عالموانة (على أساس)
هذا عدا عن زياراتها الطويلة و أحيانا نومها في بيتي و كل شوي طلبات ما كانت تستحي
عطيني كذا و اعمليلي كذا و شوي اجت على بالها القهوة و شوي مكسرات و غيرها
و كل هذا وقت الامتحانات !!
هي تجيب عالي و تنجح و انا معدلي بالجامعة ينزل
بصراحة بعد سنة طفح الكيل
اجا يوم تطرق فيه بابي و ما افتح و ترجع بعد ساعة و تطرق و ما حدا يفتح
تتصل عالموبايل ما تلاقي رد
وقتها عرفت انه انا خلص ما عاد احتمل غلاظتها و سمك دمها و ارتفع ضغطها و خافوا عليها أهلها و اجو لعندها و بعدين أرسلو لي مسج اتهموني فيها اني كنت رح أودي بحياتها من ارتفاع الضغط
وانا كان يمكن مرتفع ضغطي أضعاف ضغطها
المهم بالنهاية صارحتها هي و أهلها بكل ما في داخلي
و انقطعت العلاقات حتى افترقنا بعد التخرج و رجع بينا السلام و التحية مو أكتر
في ناس فعلاً لا يمكن احتمالها
أنصحك انك تصارحيها و تتهربي منها بكل الوسائل حتى تفهم لحالها انها غليظة و انه اللي بتعمله غلط
و اذا ما فهمت عامليها بالمثل
خدي من عندها أغراض و خليهم عندك حتى توصلها الفكرة
لعل و عسى يعني
مع اني أشك انه هالناس ممكن تفهم
لأني الطبع يغلب التطبع
الله يعينييييييييييييييينك
__________________
.
.
استودعتك أهلي في سوريا يا من لا تضيع ودائعه