بصراااااحة احس ان زوجتك تحب المشااااااااكل وما صدقت لقيت سبب عشان تسوي مشكلة وحتى لو كانوا غلوا عليها كفاية انهم اعتذروا هذا اكثر شي ممكن يسووه وحتى ان كان ما اعتذروا مو سبب ان الوحدة تطلع من بيتها عشانه الوحدة ماتطلع الا لمشكلة كبييييييييييييييييرة وتكون في الغالب بينها وبين زوجها مالها في اهله وتعاملهم ب(سلام عليك يجاري انت في دارك وانا في داري) بكرة يزيدوا العيال وتكبر المسؤوليات وتكثر مشاكلهم ويش بتسوي اذا موضوع تافه سوت كذا..وخفف اخوي الدلع شوي وماله داعي الماركات اللي مافيها الا الغلا الفاحش ومالك هذا تسال عنه يوم القيامه بدل التبذير تصدق اكفل يتيم اعمل لاخرتك يا اخي
وانت تقول انها تحبك لو كانت تحبك كان تحملت اهلك (لاحظ ماقلت تحبهم مو غصب قلت تتحمل) وبعديييين ايش تبغاك تسوي في خواتك تضربهم مثلا قول لها لو واحد من اخوانك متزوج وتمشكلتي مع زوجته ترضي يضربك عشانها واذا اخوك يرضى انا ما ارضى اهن خواتي وحسسها انك تحترم خواتك وتزعل اذا اي احد غلط عليهم ..
تجي تشوووووف كيف خوات زوجي معيشينا في جحيم وزوجي مو قادر يسوي شي لانهم يسووا المشكلة ويحرشوا الكبار(امه وابوه) ويصيروا هما اللي في الوجه فما نقدر نسوي شي ودايما يقولي معليش اصبري وعشانه صابرة بس اتخذت معاهم سياسة (سلام عليك ياجاري ........)وسحبت نفسي من حياتهم وصارت علاقتنا رسمية اروح ازورهم واسلم عليهم واذا فيهم احد تعبان ازوره واذا عندي او عندهم مناسبا نتزاور وبكذا ارتحت وخفت المشاكل شوي والى اليوم بعد 19 سنة زواج اسمع تلقيحات كلام سواء في وجودي او من وراي او حتى على عيالي بس خلااااااااااااااااص تشبعت وصارت عندي مناعة وماصرت اهتم واي كلام اسمعه احس ان زوجي يخجل بس ارد واقوله خليهم يقولوا اللي يبغوه مالي فيهم واثق الخطوة يمشي ملكا والحمد لله مرتاحين ...
انت يبغالك توقف موقف حاااااااااااااااازم بعد فترة شهرين مثلا لا تتصل ولا تسال وبعدين روح لها واجلس معاها في حضور ابوها وابدا لاتحسسها انك مشتااااااااااااااق لها مرة ولا تقول لها كلام حب ولا شي اجلس معاهم وحسسها انك مومهتم وقولها سبتك عند اهلك هذه الفترة عشان ترتاحي وتريحي اعصابك وتفكري صح في حياتنا والحين انا جاي لاخر مرة ارجعك للبيت اذا عندك شي قوليه وانت قول اللي عندك كمان وقول لها انا اتعهد لك قدام ابوك اني ما اغلط مرة ثاني بلساني وامسك نفسي لما زعل (وزي ماقلت لك قبل اذا عصبت اطلع من عندها عشان ماتتلاسنوا)واذا شفتها معندة ومافي في راسها اي تغيير قول لها ان شاء الله اني ماقصرت معاك في شي وانتي اللي بتخربي بيتك بيدك عشان اشياء تافه وانا شكلك حنيتي لعيشتك عند اهلك اشبعي ويابنت الناس ابغى اعف نفسي ما ابغى اجلس كذا متزوج عزابي واذ مو حابة انا بشوف حياتي وبتزوج وانتي وقت ماتبغي ترجعي ارجعي تعلمي البيت انا مو جاي واذا مو حابة برسلك ورقتك وبنتي اول ما تبلغ السن القانوني باخذها وانتي الله يرزقك باللي يستاهلك وسلااااااااام (طبعا قول الكلام هذا كتهدييييييييد لها بس ) عشان تحس انك بايعها وتفوق من اللي هي فيه وتعرف قيمة النعمة اللي هي عايشة فيها ..
اتمنى لك كل سعادة في حياتك والله يجمع بينكم على خير ياااااااارب ...