صارحها و احكي معها بلطف
و حاول تجد لها البديل
يعني اذا التلفون الثابت أوفر خليها تستخدمه للمكالمات المطولة
شوف زوجتك وين بتروح أكتر فاتورتها
اذا مسجات اطلب منها ما ترسل مسجات بدون داعي يعني النكت و غيرها
في ناس كتير بترسلك مسجات مالها داعي و بتحس انك لازم ترد عليها بصراحة هدول الناس فاضيين و لازم الانسان يعودهم انه مو شرط كل ما ارسلت لي نكتة أرسلك نكتة
و هكذا
او اذا موبايلا خط حاول تجب لها كريديت ما بعرف كيف النظام عندكم بسعودية
لكن لا بد من الكلام معها و تطلب منها التوفير
ما فيها شي
كان زوجي كل ما يرجع البيت يشوف كل الأنوار شغالة في الطابق العلوي و السفلي
كان بسكت بعدها نبهني للموضوع بلطف و مع الوقت صرت اشعل فقط النور اللي بالغرفة اللي انا فيها
لا تكن فظاً معها في الأمور المادية لأنها قد تنقلب بالعكس و تصير تجاكر و تسرف أكتر لما تحس حالها مجبرة على التقنيت
و لا تقتر عليها بشكل خانق يعني كلو بالتفاهم بصير
لازم تحسسها انك لما يكون معك سيولة فأنت كريم و لما تكونوا بضايقة مادية فأنت محتاج مساعدتها و تعاونها
و ان شاء الله رح تكون النتيجة جيدة
الله يديم الحب بينكم و ما يفرقكم آمين
__________________
.
.
استودعتك أهلي في سوريا يا من لا تضيع ودائعه