استفسار هام وعاجل جدا عن اقراص منع الحمل ارجو الافادة
السلام عليكم ورحمة الله وبركاته
وصفتلي الدكتورة حبوب منع الحمل للمرضع
وكانت قالت اخدها من اليوم ال35 للنفاس عاساس انو حيكون مخلص الدم و قالت اخدها لمدة 5 ايام قبل
ميصير اي علاقة زوجية
المهم صارت معي شوية مشاكل واستمر الدم فترة طويل واخدت ادوية والحمدلله مشي الحال
المهم اريد ان ابدا باخذ الاقراص لانو خللللص حيصيرلي 3 شهور والدة
وعال6 شهور لما يبدا طعام الولد بدي اغير لوسيلة اخرى يعني بدي الحق شوي اخد الحبوب
المهم اخدت حبوب Exluton
قصدي شريتهم لكن لسة مااخدت ولاقرص
ولما قرات النشرة وجدت انو مكتوب التالي في الارشادات بالحرف الواحد
:::
من اجل الضمان القصوى فيما يتعلق بالفاعلية المانعة للحمل للاقراص فانه من الضروري ان تتبعي بدقة ارشادات الاستعمال المذكورة ادناه
.... كلام مش مهم
بعدين
قد يحدث نقص في فاعلية الحبوب في حالة الاصابة باضطراب الجهاز الهضمي مثل الاسهال و القيئ خلال تناول اقراص اكسليوتن
ارشادات الاستعمال
........ كلام عادي وسهل
في اي يوم تبدئين بتناول اكسليوتن؟
يجب ان تنتظري فترة الحيض التالية
في اليوم الاول لسيل الحيض تتناولين القرص الاول لاكسليوتن
ثم تتناويلن قرصا واحد كل يوم وحتى تنتهي العلبة
سؤال الي محيرني هوة هل انا الان لازم انتظر فترة الحيض التالية؟؟؟وابدا اخدهم؟وليش الدكتورة ماقالت الي هيك قالت عال35 يوم منا لولادة حيكون مخلص الدم واخد لمدة 5 ايام بعدين يكون الامر طبيعي بالنسبة للعلاقة الزوجية
بس مانبهت لهيك نقطة ابدااااااااااا
ما الحكمة من قصة الدورة
ايش السبب؟
وانا محتارة هلأ اخدهم ابدا ولا استنا الدورة طيب افرض مااجتني ؟؟؟
لانو لسةةةةةة جديد طهرت من الولادة والله اعلم امتا تيجي الدورة
شو اعمل؟
اتصلت بالدكتورة طبعا ماترد مشغولة وماعمرها اصلا ردت
ولو بدي اخد موعد عشان هيك بدي 10 ايام
ولو بدي اروح بس عشان اسالها السكرتيرة عندها قصور عقلي لايمكن تدخلني عشان اسالها يعني الاخت نظامية اسم الله عليها
شو اعمل؟؟؟؟؟؟؟؟؟؟؟؟
ايضا هل في حالة حدوث اسهال او اضطراب في الجهاز الهضمي اخد احتياطي في العلاقة الزوجية لانو زي مشفتو مكتوب انو بتاثر وبتصير فاعليتها ضعيفة
وازا وحدة فيكو قادرة تتصل وتسال دكتورتها ياريت ياريت ياريت
تسالها وتقلها عن نوع الحبوب
انا دكتورتي بيزنس وماحد بوصللها الا بطلوع الروح
ياريت تساعدوني باقرب وقت صراحة حاسة اني زودتها 3 شهور بعد الولادة وقبل الولادة الحمل وتعبه
اول 3 شهور خايف علية وعالحمل
بعدين تعبانة
بعدين اخر شهور عارفين تعبها
وزوجي مراعيني ومراعي ظروفي وبقلي المهم صحتك والايام قدامنا
واليوم قلي ايش بدنا نعمل لو لازم نستنا الدورة ؟؟؟حنستناها وامرنا لله يعني
بقلو وانت بقلي معلش حياتي بستنا الله يكتب الي فيه الخير
رغم انو مستحمل ومراعييني لاقصا درجة ماشاءالله لاقوة إلا بالله تبارك الله
بس انا مدايقة وبديش احرمو اكتر من هيك
جزاكم الله الف خير
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت