الاخوة والاخوات الكرام
السلام عليكم ورحمة الله وبركاته ،،،
انا لو جت على الكيف ماطلقت الاولى ولا فكرت اطلق الثانية
خصوصا بوجود الاطفال ....!!!
بس اللي خلاني اطلق الاولى و افكر اطلق الثانية ماتعرضت له من مضايقات
الاولى :
عينها زايغة - ماهي مقتنعة بالحياة معاي رغم اني ماقصرت معاها - شك متبادل - اتهامات غير مبنية على دليل - سوء عشرة - تدخلات اهلها - مشاكل عدم التفاهم
هي طلبت الطلاق وانا ارسلت ورقتها بناءا على طلبها بدون ان اوذيها . لأني اقتنعت في النهاية ان الحياة معها مستحيلة لي ولها ..
وطلاقها كان غامض جدا .... الله العالم ان كان براسها شي وما توفقت فيه ...حسب ماسمعت بس الله يوفقها هي للحين ماتزوجت رغم انه تقدم اليها بعض الاشخاص ...بس عندها مشكلة في الموافقة .
الله يسعدها ويبعدها ...
الثانية ؟؟؟
مافيه توافق ....عصبية .... عنيدة .... جريئة ... مادية ونهمة في حرق وتبديد الاموال .... طلبات مادية بدون توقف وبدون مراعاة .
وهي اقل جمالا من الاولى .
هي صحيح اهون من الاولى في بعض المقارنات بس مشاكلها اكثر ...
عدم اقتناع وتوافق ...!
ماتوفقت والله في الزواجتين ....كل تجربة اخس واسوأ من الثانية
وبعدين اللي يلومني اني اخذ مطلقة ...يا اخي انا حر بعض الناس يبي مطلقة ماحد مانعه يتزوج بايديه ورجوله وماكثر الله غير المطلقات وهن اقتصاديات وقنوعات واقل تكلفة واكثر تمسك بالزوج .
بس انا نفسيتي صعبة ماقدر اخذ وحدة عندها تجربة جنسية و عاطفية مع رجل غيري
ياخي والله العظيم ماقدر ... الابكار يالله يالله قدرت اعيش معهن .... اروح اضيع عمري بمطلقات وانا توي شباب وحالتي المادية لا باس فيها وياليتني عشت كثير متزوج اقول يالله ارضى بمنفصلة .
انا سعادتي مع الابكار القانون والشرع والمحكمة والقضاء يبيح لي ارتبط ببكر مرة ثالثة ورابعة وخامسة
وبعدين اللي يلوموني اتزوج اجنبية وش حدك على المر الا اللي امر منه
منهي المواطنة سعيدة الحظ بترضى بمطلق مرتين
وليش طلق وش الاسرار الخفية للطلاق واكيد فيه شي مريض نفسي ... ولا ضعيف جنسياً
الاجنبية اهون ميه مره
وبعدين اللي يستفز ويقول الاجنبية ماخذتك علشان مالك
مافيه عشرات المواطنات المطلقات رضن بالارتباط باجانب ( اطباء اجانب وسباكين وحلاقين وهذي الحياة ماشية ) والف مبروك مقدما
تجي علي انا الرجل ممنوع ارتبط باجنبية ؟؟؟
اقربائي مرتبطين باجنبيات وعربيات ومرتاحين على الاخير ولهم عشرات السنوات سعيدين
ومثل المواطنة اللي ارتبطت فيك علشانك موظف - ولديك مميزات اهلتك للزواج منها نفس الشي الاجنبية ستقبل بك .
هل هناك مواطنة تقبل برجل فقير جدا وعاطل عن العمل ؟؟؟؟
هل هناك مواطنة ستقبل برجل دميم وبشع الشكل الا ان تكون مضطرة ؟؟؟
ياليت نناقش الامور بعقلانية اكثر
وياليت اقدر اعدد .... تبقى نفس المشكلة الثانية ستطلب الطلاق فورا
يعني متطلقة متطلقة سواء حطيت فوق راسها مواطنة مطلقة ام اجنبية بكر ؟؟؟؟
للمتابعة ورجاء رجاء انا مرهق ياليت الاعضاء يردون علي بدون عصبية وبدون اتهامات واحد يقولي راجع طبيب نفسي والثاني يقول الله يهديك
الحب مو بالكيف ....
والعشرة مع حياة الجحيم تبقى صعبة جدا
للمتابعة وساقوم بعد هذا الرد بالردود على كل سؤال وجيه على حده ...
جزاكم الله خير