اختي نوغا مصرية
انا بشوف انه انتي شوي مكبرة الموضوع
حاولت حط نفسي مكانك
أنا عندي أخت زوج أيضاً مو متزوجة
يعني انا لو اجت لعندي اخت زوجي و ناوية تبقى أكتر من اسبوع
لازم تكون بتتصرف و كأنه البيت بيتها
لأني لو تصرفت على انها ضيفة رح تتعبني أكتر
طبعاً أقصد انها تتعامل كأنه بيتها أي أنها تحاول انها تساعد في اعداد الطعام معي لو احتجت مساعدتها ... تنقل الصحون معي للمطبخ بعد الانتهاء من الطعام
انها مثلا تسألني اذا محتاجة مساعدة
تلعب مع ابني بحيث يكون عندي وقت أشوف شغل بيتي
ما رح اطلب منها تنظف او تجلي الصحون او غيره
لكن كمان ما رح افرح لو تصرفت و كأنها ضيفة لو هي قاعدة عندي شهر لدرجة انها تضيف علي عبء خدمتها طوال الوقت
و ما بتصور اني اتضايق لو اجت لعندها ضيفة تشوفها
يعني اذا هي عندكم حالياً و حبت تشوف قريبتها او تحكي تلفون ليش ازعل ؟؟
طبعاً لازم تحس انه بيتها
لأنها لو لم تتكلم بالتلفون او تشوف صديقتها رح يكون كأنه سجن
طبعاً الأفضل انها كانت تقلك
لكن يمكن بعد 3 أسابيع شعرت انها أصبحت من أهل البيت و انها لو استقبلت ضيفتها ستحاول أنها ما تزعجكم خاصة انكم كنتو نايمين
ما بعرف انا هدا اللي شفتو
__________________
.
.
استودعتك أهلي في سوريا يا من لا تضيع ودائعه