السلام عليكم ورحمة الله وبركاته
اخباااركم ؟ يا ربي بخير وصحة وعااااافية
في البداية توي رجعت من الكلية وطووووووالي على المنتدى عشان اشكركم
تسلموووووون لي ما قصرتون جزااااااكم الله خير يا ربي واردها لكم بالأفراح
هناوي الغالية
تسلمين يالغالية وعسااااااج عالقوة
أسعدني حضووورج بالموضوع ودعوتج
الله يقومج بالسلامة و تلقين البيبي ولا ينسرق ( اتذكر موضوعج ضحكتيني وقتها هههههههههه )
ان شاء الله ربي يفرج همج و يسهل ولادتج ويرزقج الذرية الصالحة
مهرة الغالية
تسلمين يالغالية على دعوتج الحلوة وفعلا التوفيق بيد الله
عزيزتي اجابتك الغالية دمعات الروح و أزيد على كلامها
تعبت وذاكرت و اجتهدت ليس في اسبوع الامتحانات فقط ولكني اناظل وبقوة
من بداااااااية الكورس دراستي في مجال الطب وليست بالسهلة ابدا ابدا ابدا
و الذي يجرحني أكثر تهديد الدكتور بأسقاط الغالبية العظمى من الدفعة
بتقولين وين الادارة عنه ؟! بقول هم يبون جذيه ما يبون احد ينجح و بس يطردون
و اتوقع دمعات الروح سمعتي عن صعوبة هالتخصصات في البحرين و الطرد الهائل لطلبتها
الاجتهاد والعزيمة و الاصرار موجودين و اللي قاهرني كل المواد الباقية بأذن الله ضامنة فيها
كلها (a) بس هالمادة الاستاذ حاط عناده لي لييييييييش اتحداه بالاجابات واطلع اخطائه
في تركيب صيغة الاسئلة اللي غالبيتها تجي من برع المقرر اصلااا
فبعد هذا الظلم كله ولا يتسلل الخوف الى قلوبنا من هذه النوعية البائسة من الدكاترة
الله يستر عليه بس ويهديه و فعلااا ليس كل شي شهادة لابد ان يتحلى بالاخلاق
الشكوى لله بس مسوي رعب لجميع طلبة الدفعة
دمعات الروح الغالية
مشكووووووورة يالغلا بنت بلااااادي على دعواتج الحلوة لي
وتسلمين على التوضيح يالغالية صادقة وربي باللي قلتيه
الله يفرج همج و يسعدج بحياتج يا ربي و لا تحزنين لانج منطلقة تراني مثلج
الله كريم وربي يجبر بخاطرج و تعدين هالمرحلة بتمر فترة و بتنسين و تواصلين حياتج
الله يهدي سرج و يوفقج ويرزقج كل خير تتمنيه يا ربي
ريم الأوطان الغالية
مشكوووووورة يالغلا على دعوااااتج لي ما قصرتين
والحمدلله جيت تعبانة بس قلت لااااازم ادخل اشكركم
اي والله احساس موب حلووو ابدااا
تخيلي الاسئلة تعدت الثمانين سؤال وقاربت على نهاية التسعين
من غير ان الاجابات ما تكون بالورقة الاسئلة لازم نلون مربعات في ورقة ثانية بحرف الاجابة
يعني الشغلة متعبة متعبة متعبة ومرهقة للطلبة و ما راعانا في الوقت ابداا
سويت اللي علي وتوكلت على رب العباد ما راح يضيع تعبي بأذن الله
و بعد النتائج ان شاء الله اجي ابشركم بالنجااااااح يا ربي يا ربي يا ربي
بكرة آخر امتحاناتي و عندي اجازة 9 ايام و ابتدي الكورس الثاني والله يكون بالعون
أكرر الشكر لكم كلكم يا من ساعدتموني و دعيتم لي في وقت حاجتي لدعواتكم
جزاكم الله كل خير ووفقكم الله
الى الملتقى القريب بأذن الله ويا ربي بأخبار حلوة
أختكم بحرانية كول