منتدى عالم الأسرة والمجتمع - عرض مشاركة واحدة - امتحاني بعد ساعات و الخوف يقتلني دعواتكم

11-02-2009, 05:59 PM

#16

بحرانيه كول

عضو دائم

تاريخ التسجيل: Dec 2005

المشاركات: 51

هلا والله ومرااااااحب بالغالية بنت بلادي واختي اللي حبيتها في الله دمعات الروح

تسلميييين على التعليق والعودة من جديد بصدق مشاعرك الاخوية

الله لا يحرمني منكم ياااااااربي كلكم و لا من وقفتكم وياي واردها لكم بالافراح

اي والله الدكاترة لعبتهم لعبة مو الجميع لا نظلمهم بس كثير ما يراعون الله فينا

و القهر تعب كووووورس يروح بامتحان و بالظلم بس على اهواء دكتور قهر وربي

اي جامعة البحرين الله يعين وحمدلله على سلامتج ما استخفيتي فيها هههههههههههه

مبروووووووك التخرج يا قلبي ولو انها متأخرة و تخصصج حلوو بزنس موفقة يا قلبي

اي منطلقة وهالمعرف الى صديقتي بس هي تخلت عنه واخذته منها خلاص صار لي

ههههههههههههه فيني عيارة ما قدرت اسوي معرف جديد وهي تركته لي

نزلت موضوع لي في قسم المنطلقات بس مدري وينه كان عن زواج طليقي

الحمدلله على كل حال يالغالية و الخيرة فيما اختاره الله

نصيبنا بيد الله سبحانه وتعالى و ان شاء الله ربي يعوض كل منطلقة بخير

لا تستغربين كثييييير ينصدمون عمري 20 منطلقة رغم عقد قراني كان عمري 15 سنة

الحمدلله على كل حال بالبحرين نسمي هالفترة خطوبة يعني موب زواج للحين بنت يعني

الله كريم لا تيأسين .. رحمة الله واسعة وربي راح يعوضج ويمسح على قلبج كل الهموم

وحمدلله على السلامة يوم رجعتي من بيت الله اكييييييد غسلتي همومج

ذكرتيني بحالتي سافرت العمرة 3 اسابيع بعد انفصالي اغسل همي

ومع الوقت بتتعودين على الموضوع و بتنسينه بأذن الله

راح يعوضج الكريم بزوج صالح تقي يخاف الله فيج ويسعدج ويدللج

تفائلي و كوني على ثقة بالله سبحانه وتعالى

و بأختصار سبب طلاقي السحر الشكوى لله على من سوته وحسبي الله ونعم الوكيل فيها

و طليقي يصير لي من الاهل من الصوبين امه وابوه اهل وااااااااايد واااااااااايد ( اخوان الابوة والامهات )

تزوج الله يسعده ويوفقه يا ربي و يتمم له على خير >> لا تستغربون اللي يحب ما يكره

موفقة غناتي والله يسعدج و يسهل امووووووووورج كلها يا ربي

وتسلميييييييييين على دعوتج لي واردها لج بالافراح بأذن الله

أختج بحرانيه كوووول