احس بشعور زوجتك

زوجي لما تزوجني كان وزني 58 وكان يعايرني اني جايه من مجاعه بس لما شاف الفرق وشافني سمينه بعد الولاده وانا هنا اتكلم عن زياده 15 كيلو ... كان يعايرني و يقول لي شوفي شلون صرتي وينفخ وجهه لي على شكل بلونه عشان يقلد سمنتي

لكم انكم تتخيلون النفسيه السودا اللي عشتها .. وحسيت بأحباط خصوصا لما اروح السوق ومالقى شي حلو مقاسي او على الاقل يعدل من شكلي .. الا ملابس الحمل ...
ناهيكم عن التعليقات اللي تجيني من الزميلات والاهل في الزيارات .. فلانه .. مب كأنك متنتي شوي؟؟؟؟

وكل هذا كان يضغط علي .. ويأثر علي من ناحية سلبية ... وابدا حتى ماحاولت اخفف وزني

لحد ما عملت هدوء مع نفسي وصادف انه مرت 7 شهور على ولادتي ... وقررت مبدائيا .. اروح لاخصائية تغذيه .. تعطيني برنامج .. ومعاه في نفس الوقت اخذت حبوب الريدكتيل ... وخلال شهر ... نزلت تقريبا 3 كيلو ... حمية بسيطه مع مساعده من الريدكتيل (بوصفة طبية)

والحمد لله لقيت نفسيتي تحسنت مليون في المئه وحاولت اضغط على نفسي اكثر واكثر ..

ولحد الان .. انا في رجيم خفيف ودلوع وحلو

وقاعده اخسر وزني بشوي شوي ...

عموما الجسم بيرجع لوضعه الطبيعي بعد 6 شهور وطالع

__________________
اللهم بارك لي في ابني وارزقني خيرا
الحمدلله رب العالمين