السلام عليكم
بصراحه اختي طالما وضعتي مشكلتك فبتتحملين ارائنا الغلط راكبك من راسك لرجولك واكثر شي استفزني في موضوعك
تجسسك عليها وفي نظري مافيه مبرر يبرر تصرفك .....
بالنسبه لكلام اخت زوجك صح انه غلط وينرفز بس هذي اسمها فضفضه وهي غير مجبوره توضح تصرفها طالما ما قللة ادبها معكم ولا وبينة الكره ولا وصلكم كلام من الناس انها سبتكم
يعلم الله يا اختي اني اتكلم من واقع تجربه اني اعرف حريم لما تجلسين معها تقولين هذي دراكولا ولا سندريلا
1- وحده صار لها اقل شي 4 سنين وهي كل ما شافتني زوجي جاب لي وزوجي اهداني وزجي مغرقتني بالرومنسيه
وزوجي وزوجي وفي لحظه قامت حرب عالميه بين الزوجين واهلهم وقطيعه بين العائلتين علشان زوجها مقصر معها
حتى وانتو بالكرامه الجزمه مايشتريها غير من سنه لسنه؟؟؟؟؟
2- وحده قريبه من بعيد جلست معها مررررره ماخلت كلمه على زوجها واهل زوجها الى قالتها وانا مذهوله منها وش عرفها اني مارح اتكلم واكتشفت اني قبل ماالقاها كانت متخاصمه مع ام زوجها واخته وهي توقعت ان زوجها بيوقف في صفهم وبعد اسبوع مكلمتني تقول الله يخليك الكلام الي دار بينا لا يطلع كانت لحظه غضب والحين تصالحنا ؟؟؟؟؟؟؟؟؟؟
3- اختى لما تتزاعل مع زوجها اول شي تمسح رقمه من جهازها او تسميه اسم بايخ واذا اهل زوجها لهم طرف في المشكله لعنت خيرهم ولما تتصالح معه تتمسح عند اهل الزوج وترجع تطلق على زوجها في هالجوال المسكين القاب ماجابها روميو لجوليت؟؟؟؟
اسفه على الاطاله الغير لائقه بس الله لا يحطك في موقفها وتفضفضين في يوم من الايام عند اهلك او صاحباتك ويسمعك زوجك او الشخص الي تكلمتي عليه ولو بكلام عادي بس جرحه
لو سمع الزوج \ الزوجه كل كلمة انقالت عليهم في الخفاء سواء كذب او صدق او سوء فهم ماكان احد عاش متهني
صدقيني اختى كلامها مردود عليها وتاليتها تدفع الثمن بس لا تكونين انتي السبب بالمشاكل بين اهلك لان ببساطه يمكن زوجها يوقف معها وتخسرونه او يطلقها وقلبه متعلق فيها ويخسرها لمجرد لحظه طيش او شيطان منها ولحظة فضول في غير محله منك
التعديل الأخير تم بواسطة هرد ; 15-02-2009 الساعة 09:34 PM