ياخي غلط ان الزوج اول مايتزوج يبدا يعطي اوامر بدون نقاش واقناع وهذا اكبر غلط في هذي الحالة الزوجة تجنبا للمشاكل وعشان مايزعل تسوي اللي تبغاه من وراه لانها مو مقتنعة اساسا بهذا الشي بغض النظر عن هذا الشي ..
بالنسبة لسماعها الاغاني حاول انك تنصحها وتسمعها محاضرات لين هي من داخلها تتاثر وتبعد عنها بقناعة منها انا عارفة ان هذا الشي حرام لكن خلاص هي تربت ان هذا الشي عادي وكانت تسمع فدورك انت الحين تكسب فيها اجر وترشدها للصح بالحسنى مو بالاوامر والتعسف والحرمان ..
ياخي باعطيك مثالين وانت احكم ..
قريب لي ملتزم تزوج وحدة ماعليها خلاف بس تحب تجاري بنات هالايام في اللبس والموضة وزوجها عصبي وشديد وكل اللي يقولوا لها اوامر لازم تسمعها وتنفذها من غير نقاش تصدق انو حتى قنوات التلفزيون مقفلها برقم سري ومخلي بس القنوات اللي زي السعودية والمجد وو.. (نا موقصدي انها تشوف شي غلط لا بس تحب تشوف المسلسلات والبرامج الكومدية حتى الاغاني ماتسمعها كثير بس اذا في مناسبات ماتهتم اذا فيه ) المهم تخيل كانت تراقب زوجها وهو يفتح القنوات لين عرفت الرم السري وتشوف من وراه .. والمناسبات يسالها في طرب والا لا تقول لا مافي وهي اصلا ماتدري احيانا بس تبي تروح ,,اللبس مانعها ولما تروح عند اهلها تلبس مع خواتها المهم هذه هي عيشتهم وهذا برايك صح ؟؟؟
وعندك اخت اعرفها عند اهلها اغاي تنام عليها وتصحى عليها التلفزيون كل القنوات شغالة طبعا العادية عربسات ونال..
بس عادي ولبسها في البيت وفي المناسبات البنطلون والقصير والعريان والضيق والعباية كتف ..
وتزوجها قريب لها وهو عارف عنها كل شي وكلنا استغربنا ان هذا الشيخ الملتزم يطلبها للزواج حتى امه قالت له كل شي عنها لكن صمم عليها وهي بعد كانت خايفة ولم تقدم لها شرطت عليه شروط ومنها اني انا حرة في نفسي ماتتشرط عليا وماتتحكم فيا وفي لبسي والتلفزيون قبل لا ادخل البيت يكون موجود قبلي ووالله العظيم وافق على كل شروطها انا شخصيا خفت وقلت الله يستر فلانة لو كملت شهر عند الادمي هذا نعمة من الله ..
وسبحان الله باسلوبه الحلو والكلمة الطيبة ماشاء الله عليها كل اللي يشوفها مايصدق انها هي التلفزيون هي بنفسها تقول خلاص صرت ماحب اشوف شي تقول صرت لما يكون موجود اتفشل منه وماحط اي قناة ماتعجبه لين صرت خلاص مااجلس الا نادرا وماعاد يعجبني شي والعباية صارت تلبس عالراس وهي من اشد المعارضات لها تقول على اللي تلبسها عجوز والللبس ماعاد تلبس الا كل اللي محتشم وحتى فساتينها اللي مفصلتها خليعة هي بنفسها ودتها للخياط يعدلها ويسترها لها وبرضاها حتى وحدة قالت لها ليه ايش صار فيك تدفني نفسك بالحيا قالت لها الله يهديك والله انا يهمني رضا ربي ورضا زوجي والله زوجي قال لي اشياء عن الحرام والحلال خلتني احس اني عايشة في عالم ثاني واني بعيدة عن ديني واعطاني محاضرات وندوات روعة تحسسك ان الدنيا ماتسوى والحين صار لها متزوجة سنتين وعندها ولد ماشاء الله ..
الله يهديها ويصلح حالها ويبارك في زوجها ويكتب فعله معاها في ميزان حسناته ,,
وانت حط في بالك انك في جهاد وان هدايتها ان شاء الله تصير على يدك وربي يساعدك ويعينك بس لازم تصبر انا ما اقول لك ان هذه لانسانة لى طول استجابت لزوجها واكيد صارت بينهم شوية مشاكل في بداية حياتهم بس ماشاء الله عليه باسلوبه وكبر عقله عرف شخصيتها وعرف كيف يتعامل معاها لين كسبها وقدر يعدلها ..