يا حبيبتى أنا تقريبا استشعرت مشكلتك الأساسيه وهى اللى عامله باقى المشاكل دى كلها معاكى
انتى عايزة حنان وحب أكثر من جوزك وجوزك مطنش الناحيه دى فده بيحسسك بنقص وتقصير من ناحيته فتبدأى تعكسى ده على حياتكم وتقفى له على الواحده وكمان تشوفى كل حاجه بيعملها غلط وكل تصرفاته مش عجباكى
طيب بالله عليكى لو جاء زوجك من عمله اليوم وأول مادخل من البيت إحتضنك وقالك وحشتينى وسمعك كام كلمه حلوه وبعدها أخدك عزمك على الغذاء بره وانتوا راجعين اشترى لك هديه بسيطه ...... لو عمل كده النهارده هل هتفضلى متضايقه من موضوع الشغاله والسباك ؟؟؟؟؟؟؟؟؟؟؟
طبعا لأ بالعكس هتغفرى له كل أخطاؤه وهتبرريها له وتقولى معلش اصله تعبان او مشغول وبالعكس هتقومى تشتغلى فى البيت ولا كأنك حامل ولا تعبانه
يا حبيبتى كل اللى انتى محتاجاه شوية إهتمام منه وبس
لذلك هو لازم ينتبه لهذا الأمر ولازم تكلميه وتعرفيه ان عده اهتمامه بيكى وعدم تدليله لكى بالطريقة اللى انتى بتحبيها مش اللى هو عايزها هى السبب فى كل مشاكلكم .