منتدى عالم الأسرة والمجتمع - عرض مشاركة واحدة - اقتراحاتـكم لهدايا الأهل سأعود بعد غربة طويلة

19-02-2009, 09:02 PM

ماريا

عضو المنتدى الفخري

تاريخ التسجيل: Jul 2006

المشاركات: 10,538

شوفي اختي شعاع من نور

انا كل ما رحت باخد هدايا و بحاول طوال العام استغل التنزيلات و اشتري هدايا و احطها على طرف مشان آخدها معي
بهالطريقة باخد شي حلو و رخيص

لكن اذا انتي ما شفتي تنزيلات ممكن انك تاخدي شي حلو (و لو كان مكلف شوي معلش )لأمك و أبوكي و أم زوجك و أبوه ... و لا تنسي تعدلي هون لأنه يمكن يصرلك مشاكل و صداع من هالشغلة

و الباقي ما حدا إلو عليكي إلا هدية بسيطة

الصغار

ألعاب
(متل دبدوب و قطة و غيره لكل طفل لعبة و خلص )
ساعات (في منها رخيص كتير و ميزتها ما بتاخد حجم و وزن بالشنتاية)

أخوات زوجك و خواتك
ممكن مجموعة body lotion مع shower gel او بيرفيوم
عادة تكون رخيصة اذا ما فيها بيرفيوم

علبة مكياج صغيرة

او شنتة مكياج

اخوان زوجك نفس الشي

أديداس رخيص

و بالنسبة للمراهقين

البنات

بلوزة صيفية رقيقة (عادة تكون رخيصة)
او بيجاما
او محفظة للفلوس
اكسسوار (أساور - طوق ... )
مجموعة منكور
او بديكور

او التنين مع بعض

الشباب

ممكن محفظة فلوس

قبعة
طقم قبعة مع كفوف
قبعة مع لفحة للرقبة (للشتاء)
شي يرمز لفريق رياضي عندكم (اذا بتعرفي حدا منهم بشجع فريق معين)
ملابس سباحة (الصبيان كلها قطعة وحدة )

لكل الأعمار ممكن هدايا رخيصة

أحذية السباحة

أو أحذيةالشتاء

رجالي

انزلي للسوق و ممكن تشوفي وين في محلات عاملة عروض ادخلي عندهم و شوفي شو عارضين
تروحي و ترجعي بالسلامة يا رب

__________________
.
.

استودعتك أهلي في سوريا يا من لا تضيع ودائعه

التعديل الأخير تم بواسطة ماريا ; 19-02-2009 الساعة 09:07 PM