السلام عليكم ورحمة الله وبركاته

كيف حالكم جميعا

بنات أنا ولدت والحمد لله من قرابة الشهر بعملية قيصرية لأنه كان معاى سكر حمل والدكتورة خوفتنى إن حجم بنتى كبر فى بطنى

وسبحان الله لما ولدت ذهلت من حجم بنتى لأنها كانت نازلة أقل من الحجم الطبيعى كمان

معقولة السونار يخطئ لهذه الدرجة

المهم انى ولدت بفضل الله والجرح تعبنى جدا ومازال لحد الان واستغربت من كلام الكثير ان جرح القيصرى اهون من جرح الولادة الطبيعية صحيح انا ما جربت الطبيعى ولكن جرحت القيصرى وكان ألمه شديد على ممكن يكون بسبب السكر الجرح لم يلتئم بسرعة

لكن مش ده المشكلة كله يهون من أجل قرة عينى ابنتى ربى يحفظها لى يارب قولوا امين

المشكلة الى مخليانى من اول ما ولدت لحد الان دموعى لا تجف إن ابنتى لا تريد أن ترضع منى

حاولت معاها يا بنات بكل الطرق لكن مفيش فايدة

أول ما أفقت من البنج اعطوها لى عشان أرضعها لأنى كنت موصية أمى لا تعطيها ببرونة أبدا مهما حصل عشان ما تتعودش عليها

لكن البنت من أول مرة فى الرضاعة وهى كل ما أقرب منها صدرى تصرخ صراااااااااااااااااخ شديييييييييييييييد زمش راضية حتى تغلق فمها على صدرى لتحاول ولو مرة واحدة

انا كان عندى مشكلة ومازالت ولكن أفضل بكثير من اول ما ولدت وهى انى مش عندى حلمة فقلت البنت معذورة مش لاقية حاجة تمصها

استخدمت الشفاط والحلمة الصناعى وعملت كل وسيلة عشان الحلمة تطلع وفى الاخير طلعت فى ناحية والناحية الاخرى يعنى تحسنت شويه وبرغم ذلك البنت رافضة رفض قاااااااطع انها تمص من صدرى مباشرة حاولت معاها أجوعها بالساعات عشان تستسلم أبدا مفيش والله فايدة أبدا وكانت عايشة على الأعشاب فقط وأحيانا أشفط لها من صدرى وأعطيها بالقطارة

وفى الأخير اضطريت اديها صناعى لأنها بدأت تختفى من شدة نقصان وزنها ورقبتها أصبحت مثل الخيط فى رفعها ونفسيتى تعبت جدا بسبب انى اديتها صناعى نفسى أوى انها ترضع وتتغذى منى مستحيل الصناعى يديها الى انا هأعطيه لها من الغذا والفايدة

اخر حاجة جربتها إنى حطيت لها الحلمة الصناعى على صدرى وبقت تمص منها وترضع من لبنى ولكن طبعا لازم أكمل بالصناعى لأنها مش بتشبع لأنها بترهق من المص بهذه الطريقة

سؤالى الان وسامحونى على الاطالة ولكن والله نفسيتى تعبانة جدا بسبب موضوع الرضاعة وربنا عالم أنا تعبت فى الحمل اد ايه يمكن البنات فى عاشقات حلم الأمومة ربنا يرزقهم يارب هم الى عارفين اد ايه انا تعبت وعانيت فى حملى ده بعد اجهاضات متتالية ولكن الحمد لله على كل حال

سؤالى لو حد يعرف طريقة أخرى ممكن أطلع بها حلمة صدرى أكثر يارييييت يدلنى عليها وكمان طريقة أخرى ممكن أتبعها عشان بنتى ترضى ترضع منى مباشرة من غير ما أضع حلمة صناعى على صدرى مع العلم إن اتبعت طريقة انى اجوعها واصبر على بكائها كتيييييير عشان تستسلم وتاخد صدرى وفشلت تماما

فى انتظاركم وأى نصيحة ياريت لا تبخلوا بها على

__________________