السلام عليكم ورحمة الله وبركاته
اشكر جميع من شارك بهذا الموضوع وقد اضحكتني واسعدتني مشاركاتكم واتمنى من باقي الاعضاء المشاركه
بالنسبة لي ساذكر لكم ثلاثه مواقف الاول في فترة الخطبه والثاني ايام الزواج والثالث بعد خروجي من فترة النفاس واتمنى ان تعجبكم
اول موقف لما جاء زوجي وابوه واخته لخطبتي ورغب زوجي ان يراني الرؤيه الشرعيه وبصراحه انا ما كنت مستعده لاني ما كنت متوقعه ان والدي راح يوافق المهم صار اللي صار ودخل زوجي وانا واقفه اتتناقش مع اخي الصغير بهذا الموضوع وتفاجأت لدرجة اننا وقفنا في مكانا(تنحنا ببعض) الى ان جاء اخي وجلسنا وراح ...........وتعالو شوفو وش صار:
نادى زوجي اخته على اساس معها طقم وخاتم ذهب جت اخته واخذ زوجي الطقم واعطاني اياه وانا ولا على بالي جالسه ما فكرت اوقف (طبعا ما ادري وش الطبخه لذلك ما قمت ) بعدها مسك الخاتم يبي يلبسنيه(انا شفته راح عقلي ما ادري وش اسوي ما تخيلت انه ممكن يلمسي وانا اول مره اشوفه بحياتي )المهم جمعت قواي وقمت مديت له كل يديني( لا ني ما ادري اين يوضع الخاتم) حسيت انه احتار قلت له اي وحده تبي قال اليمين...انا ناظرت يديني وناظرت اخته وقلت اي وحده يمين؟هههههههههه رد هو وقال هذه ومسك يدي ولبسني ومرت على خير و لما راح ورجع لي عقلي ناظرت الخاتم لقيته ملبسني بيدي اليسااار ههههههه
طبعا كان من اجمل المواقف خصوصا لانه اول موقف مع اول شوفه
اتمنى ان يعجبكم ولي عوده ان شاء الله
__________________
التعديل الأخير تم بواسطة cutiepie ; 25-02-2009 الساعة 12:30 AM