انا ما عندي اقتراح يا أختي لكن بدي قلك لا تتوتري كتير مشان الموضوع و تتعبي حالك
اتركي بنتك على راحتها
و انا حسب ما شفت انه أفضل شي لما الطفل ياخد الطبيعي و الصناعي مع بعض
انا بقي ابني ياخد صناعي و طبيعي لل 4 شهور و بعدها فضل صدري و ترك الصناعي و بهالطريقة تعبني لأني دائما احراج الرضاعة بكل مكان
كنت لما اطلع من البيت استخدم الصناعي و يشبع و ينام منيح و وزنه ماشي تمام
لكن لما انفطم عن الصناعي صار يتعبني كل شوي رضاعة و انا كان ينزل وزني و ينزل و هو كمان صار ينزل وزنه
و من وقتها و وزنه ما عاد كويس متل قبل
و ناوية ان شاء الله بنتي القادمة (على الطريق) عودها على الطبيعي و الصناعي مع بعض أريح و أفضل
مع القيصرية حليبك بتأخر حتى يجي و ممكن ما يكون كافي لها فلا تغصبيها على شي و تظلميها
عندي صديقة بنتها رافضة الصناعي و نحيفة و نعومة لدرجة انه صار عمرها 6 شهور و لسا بتلبس قياس المواليد الجدد
و جربت لها كل انواع الحليب ما أخدتها
انتي بنعمة كبيرة فلا ترفضيها كنت اول 3 شهور من ولادتي و حلمتي ملتهبة و بتألمني و ابني رافض يرضع لما أحطله الغطاء البلاستيك عليها و رضعه
حاولي انك تبقي معها على الطبيعي و الصناعي مع بعض بصير كل شي تمام و بكون نومها و فطامها أسهل
بالتوفيق يا رب
و ألف مبروك الولادة تربى بدلالكم يا رب
__________________
.
.
استودعتك أهلي في سوريا يا من لا تضيع ودائعه