هذي انسانه ماتحتمل وحتى النقاش ماينفع معها لانها تعتمد اسلوب الصوت العالي لاثبات الحجه!
اللي يناسبها هو انك تتجاهلينها قدر الامكان وتخلين علاقتك فيها رسميه يعني لا افراط ولا تفريط خصوصا انك بينتي رايك فيها قدام زوجك وبتصيرين مراقبه وكل كلمه توصله منها عنك بياخذها بالحسبان ..
يعني امشي على قاعدة خلك عدل يحتار فيك عدوك (ادري اني خبصت بالمثل بس الهدف منه انك تحيرينها لما تضبطين تصرفاتك)
وكل المناسبات اللي بتكون موجوده فيها وناس كثار روحي ولاتتعمدين تتعذرين باعذار ماتمر على زوجك عشان مايمسك عليك هو بعد اي شي .. لانه هو بعد مسكين بتجي بخاطره مهما كان هذي خالته
اللي مهم وبياثر فيك وبتاخذ جوها فيه هو جمعاتها مع ام زوجك وبناتها يعني لما تكون الجلسه عائليه ومحدوده عليكم بس
هي اللي حاولي تتحججين بشغل للبيت او تعب او اي عذر يقنع زوجك ويريحه برضاك