مرحبا أخوي الفهد
المرأة بطبيعتها عاطفية جداً ..
وبسبب الطبيعة الانثوية فهي تطلب الشي بطريق غير مباشر
يعني تلف وتدور وتبيك تفك الشفرات عشان تعطيها الي تبي ..بعكس الرجل الي يقول الي يبيه في الوجه وبشكل مباشر ..
يعني مثلاً :
الرجل إذا يبي يعرف أن زوجته تحبه في فترة العقد مثلاً يسألها بشكل مباشر .. تحبيني ؟؟
بس البنت لا .. ما تسوي كذا .. تبيك تقول لها أحبك من غير ما تسألك ؟؟ وأحياناً تعمل حاجات عشان تعرف بس بطريقة غير مباشرة ..
مثال ثاني :
أنت عطشان تقول بشكل مباشر .. أبي ماء
البنت لا .. البنت تقول ( انتو مو عطشانين .. تبون ماء ) ما تقول ابي ماء !!
الي ابي اقوله أن الأمثلة الي ذكرتها أنت فوق كلها تعني أن المرأة بحاجة إلى دعم عاطفي
والمرأة على طول محتاجة عاطفة ..
راح أعلق على أمثلتك لأن هي الي قدامي وعشان اوصل فكرتي
مثال:
تكون الزوجة زعلانة من زوجها .. وتبتعد عنه .. يحاول مثلا يراضيها .. تقوله ابعد .. يسألها اذا بعدت بترتاحي شوي ؟ بتقول اكيد .. ف يبعد شوي عنها .. بتحط في بالها على طوول " ماصدق اني قلتله ابعد .. الظاهر يريد يتخلص مني" ...
في هذا المثال تبي عاطفة .. تبي تعبير أنك ما تبغي تبعد عنها حتى لو هي تبغي
يعني المفروض قبل تبعد تقولها (أنا والله ما ابغي ابعد عنك بس إذا هذا يريحك أنا ببعد عشانك ...)
وبس هالكلمة راح تعمل مفعولها والمرأة بترجع لطبيعتها .. يمكن تدلع شوي كلمة منها وكلمة منك وخلااااااااااص هي ترتاح كذا وترجع لطبيعتها لأنك عطيتها دعم عاطفي
وبس هذي كل السالفه ..
أدري أن تركيبتنا صعبة شوي .. بس أحنا كشرقيين معروفين بالحياء وهو الي يصعب المشكلة زيادة
بس خل في بالك العاطفة مطلب أساسي ورأيسي ..
عط المرأة عاطفة .. حب .. حنان وتفهمها
اليوم فتحت شفرة من شفرات النساء
بالتوفيق انشاء الله
ربي يسعدك