اختي نبض الوفاء طووولي بالك شوي .. اعرف ان الموضوع مؤلم بالنسبه لك خاصه ان ثقتك كبيره في زوجك
ولكن بما انك جديده في المنتدى فلا تحسبي انك الوحيده التي تمر بمثل هذه المشكله .
يا كثر ما نقرأ مشاكل من هذا النوع ..( فتحت جوال زوجي و شفت فيه بلاوي ) خذي لك فره في المنتدى
و شوفي وش كثر المشاكل من هذا النوع ..
و من شاف مصيبة غيره هانت عليه مصيبته .. مع ان مصيبتك مو هينه ..
الحل يا اختي يعتمد على شخصية زوجك ..
هل لو واجهتيه راح يزعل و يقول لك ليش تفتشي في جوالي و يطلعك انت الغلطانه ..؟؟
او انه راح يستحي منك و يعتذر و يتأسف و يوعدك انه ما راح يكرر مثل هذه الامور ؟؟
فانت اعلم بزوجك ..
او انك في جلسه هادئه تقولي له ان صديقتك شافت في جوال زوجها مثل هذه المقاطع ( طبعا خليك
طبيعيه جدا عشان ما يشك فيك ) وهي الان نفسيتها تعبانه و ما تدري كيف تواجه زوجها وانك تطلبي
منه المشوره ..
و ادخلي عليه من مدخل الدين و ان مثل هذه الامور حرام و تؤثر في نفسيه الزوجه ويجرح انوثتها
وكبريائها ..
وان شاء الله ينتبه زوجك على نفسه و ما يكرر مثل هذه الامور ..
و طمنينا عن اخر الاخبار ..
وربي يرزقك بالذريه الصالحه ..