جاتك فرصة من ذهب بس ضيعتها يوووووووووووووووه ولا أروع ... انت خطبت منه ورفضك لأجل إن ماعندك وظيفه ويوم توظفت وتزوجت ووصله كلام زوجتك قال طلقها وهذي وهذي وازوجك ومن الكلام هذا ... كان مفروض ترد عليه وتقول تبيني اطلق وتزوجني ... يوم خطبت منك رفضتني ويوم تزوجت تقول لي طلق وازوجك ... الان حتى لو تبي تزوجني بدون ما اطلق ما ابغى ... زوجتي واحمد الله عليها مرتاح معها ... وبالنسبة للكلام انت تعرف اكثر مني ان الحريم تفكيرهن محدود وممكن يقولن اي شي ...
عموماً شكل عمك لازق لك يبي يزوجك وزوجتك شاكه بالشي هذا ... والصراحه مايستحي بعد قولته انسخ لي نسخة من المفتاح ... واذا مره شفت الرجال ماعنده نيه بامكانك تكلم اقرب شخص لك من عياله وتشرح له الوضع بكل هدوء وتبين له انك حتى عيالك ماصرت تجلس معاهم وانه لو تجي لك دوره فمجال العمل راح ترفضها لأجل لا يقول راح وتركني ...
واذا ماشفت فايده قل له انه جايه لك دوره برا وان البيت اللي انتم فيه بينتهي اجاره ولا راح تجدد وبعد الدوره منسق مع واحد من زملائك في الشغل بأن تسكن عنده مؤقت لين تلاقي السكن اللي بتستقر فيه .... وبكذا لافيه نسخه للجديد ولا نسخه للقديم ...
بس توقعاتي انه ماراح يسوي شي ...
لكن اذا شفت ان المسأله مافيها خلاص اعتبره مش موجود وروح وتعال مع زوجتك يا اخي الحياة ماتسوى النكد وقل لزوجتك بكل هدوء يعني وش بقول لك له اشيله وارميه بالشارع خلاص نعتبره غير موجود ونعيش مثل مانبغى وبنحتسب الاجر فيه من الله وان ماراح اليوم راح بكره .