الله يجزاكم خير على الردود والله ماقصرتوا ماكنت اتخيل اني في يوم راح اكتب مشكلة في المنتدى ومو اي مشكلة الا مشكلة تفشل الله يعطيكم العافية ويرزقكم الجنة يارب اتمنى ماتسيبوني وخليكم معايا لين احل المشكلة ومعليش اذا تاخرت في ردودي لان الاتصال عندي صعب شوي ...
الجديد اللي صار صراحة ماقدرت اصبر دقيت على اختي وكلمتها امس ودار بينا الحوار التالي:
طبعا بعد السلام والاطمئنان على الحال ..
انا / شوفي ياختي انا بصراحة اخذت الرقم من جوالك واتصلت عليه ورد علي رجال ممكن اعرف مين هو وليييييه تسوي كذا ايش ناقصك زوجك معيشك عيشة ملكة ومو مقصر عليك بشي والكل يحسدك على معاملته لك ..قدرت زوجة اخوك تجرك لمستنقعها القذر وتغرقك في الوحل ترى هي ماجرتك معاها حب فيكي الا عشان اذا انكشفت ماتكون لحالها تورطك معاها ...
هي/ انا ما اسوي شي غلط وانا واثقة من نفسي وعارفة نفسي ومو انا اللي امشي في الطريق هذا ..وبعدين انتوا ظالمينها والله ماتسوي شي ..
انا / طيب وايش تفسيرك للي رد عليا ..
هي / والله مادري ايش هو الرقم اللي تقولي انك اخذتيه من جوالي .
انا/ لا مو قايله لك عليه.
هي / شوفي انا من فترة صديقتي ارسلت لي رسالة وكتبت فيها رقمها الجديد ويمكن هذا رقمها ..
انا/ واذا كان رقمها والتواريخ من زمان ليه ماخزنتيه باسمها ..
وثانيا ليه رد عليا رجال ..
هي/ والله ما جا على بالي اني لازم اخزنه وبعدين يمكن لانك دقيتي من رقم غريب اعطت اخوها يرد (للعلم نفس عذر زوجة اخوي لما واجهناها )
انا/ معقولة اليوم نادرا تلقي بنات من اول اتصال يعطوا الجوال لرجال اذا كان الرقم غريب عليهم ممكن اذا كرر الاتصال او انها تطنش لكن من اول اتصال ما اعتقد انها راح تعطي اخوها على طول ..
هي / والله ماعندي كلام ثاني اقوله لك صدقتي والا بكيفك ..
انا/ طيب واللي ردت عليه امي ونطق اسمك ؟؟
هي / اولا هو ما اعتقد انه نطق اسمي امي سمعت غلط اكيد ,, وثاني شي انا من فترة تجيني اذية على جوالي ..
انا/ طيب اذا كانت تجيك اذية على جوالك مو المفروض انك تعلمي زوجك وتعطيه خبر عشان يرد عليه ويبطل اذية وكمان المفروض انتي ماتردي عليه ابدا اذا كرر اتصاله وما تعطيه وجه ..
هي/ انا لسا البارح مكلمة زوجي على هذا الموضوع وقلت له سالفة اللي اتصل وردت عليه امي وقالي خلاص بغير الرقم او اقولك خلاص لاتردي عليه طنشيه ...
انا/ المفروض تقولي له من ثاني او ثالث اتصال لما كرر عليك تقولي لزوجك مو الحين بعد مابان كل شي..
هي/ ايش اللي بان انتي انا ما اسوي شي ..
المهم وبعد كذا ذكرتها بالله وبان اذا كانت تسوي غلط لازم تتوب وتفكر في بيتها وزوجها وبنتها وتخاف الله فيهم وان هذا الطريق بدايته تسلية ونهايته هلاك وخوفتها ان زوجها بعد ل اللي يسويه لها والمعاملة اللي الكل يحسدها عليها( والله العظيم حتى اخواني يلقحوا بالكلام عليه وانه مو رجال مخليها على كيفها ومشياه على كيفها لكن ولا يهتم ويقول على شان فلانة مايهمني احد)
قلت لها بعد ذا كله راح يرميك رمي الكلاب وهو غير اسف عليك ..
الحين انا نفسي اعرف هي فعلا قالت لزوجها عن الموضوع والا لا ..
اذا كانت فعلا تسوي غلط وقالت لزوجها عن الموضوع انه اذية فهي اتوقع حاجة من ثنتين ..
يا اما انها ندمانة وخايفة تنكشف فقالت مافي الا هذي الطريقة ..
يا اما انها تبغاه يطمن من ناحيتها..
واذا كانت ماقالت له فهي بس تبغى تسكتني لانها عارفة اني ما راح اقدر اكلم زوجها او اساله ..
ايش رايكم الحين ويش اسوي ..