اقتباس:
المشاركة الأصلية كتبت بواسطة سلتونا
اخوانى اخواتى انا بصراحه ابغى شى يوقف التفكيروالحيره الى انا فيها فى يوم من الايام زوجى نسى ايميله مفتوح فصادف ودخلت عليه عاد اهو عنده ايميلين الاول عادى افتحه ولا يقلى شى اما الثانى مايفتحه قدامى ابدويقول لى هاى حق الشغل بس المهم دخلت على ايميله الثانى الى نساه مفتوح وجلست اتصفح وانااتصفح اشوف الى عنده بالمسن شوف كلهم بنات المهم دخلت على ايميلاته واشوف ايميلات جدا سىء ه مخجله من بنات عاد انتو اكيد فهمتو على والله انصدمت المشكله ان زوجى قدامى ملاك ومن ضمن الايميلات وحده راسلت له مشتاقه لك على الايميل فبصراحه انابحيره من هذاك اليوم واسال نفسى معقوله يخونى لانه يحبنى موت ويبين فيه كثير لما يرد لى مشتاق انا من هذاك اليوم ماصرحته ابد وساكته ابى اشوف الى وين رح تزيدهامهزله وحاليا صاير يخلى صورته بالمسنجر وسالت ليش مخلي صورتك يقولى ممكن تخلينى اعيش حياتى الخاص بروحى والله العظيم ماجادلته ابدومشيت الامر مابى المشاكل قلت يمكن شاف منى نقص شى لجاء لها الشى والله العظيم مقهوره عاد الحين احاول قد مااقدر اكون بعينه ملاك بس مايروح زوجى حبيبى عشيرى منى ابو ولدى والله وانا اكتب لكم الحين القهر ذابحنى الله يخليكم شيرو على بشى ينفعنى ماتردونى
عفواً تم تعديل العنوان ليتضح المضمون
الإشراف
|
أكتبي له رساله .. قوليله كل الي في نفسك .. لأن شكله عرف انك دريتي عنه والدليل انه قالك
[quote=سلتونا;2103914]
ممكن تخلينى اعيش حياتى الخاص بروحى والله العظيم ماجادلته ابدومشيت الامر مابى المشاكل قلت يمكن شاف منى نقص شى لجاء لها الشى والله العظيم مقهوره
والمشكلة لا خايف ولا مستحي لا منك ولا من الله ..
ومو عاملك حساب ..
تقولين يحبك .. يموت فيك .. يجي لك مشتاق ..
يا عمري هذا مو حب .. هذي الغريزة تعبر عن نفسها ..
الي يحب يراعي مشاعر حبيبه ويخاف عليه
الي يحب يعلي من قدر حبيبه مو ينزله للأرض ويحط كرامته في التراب
الي يحب يكبح جماح نفسه عشان يبقى وفي لحبيبه
الي يحب لو تجي له ملكة جمال .. يصد بوجهه عنها .. لأنه قلبه مليان بحب
الله اولاً ثم زوجته المخلصة
الي يحب مهما كثرة حوله المغريات بهذا الشكل ما يزيده إلا نفور لأنها بنظره
وساخه وقذاره ..
والانسان الشريف ما يرمي نفسه وسط زباله... اكرمكم الله
لكن زوجك في غفله ومو عارف وين حاط نفسه فيه ..
لا تقولين يبين عليه يحبك .. إذا كان يقولك احبك وهذي اعماله .. لازم تعرفين ان الكلام ماله قيمه
إذا ما تطابق مع الأعمال .. هذا اسمه نفاق وكذب
تقولين يجيك مشتاق .. إذا تقصدين بهذي الجمله العلاقة الخاصة .. فأنا أقولك عادي الغريزه في ناحيه
والاشياء الثانيه في ناحية ثانيه .. ولو كان متزوج وحده غيرك راح يعمل لها نفس الشي .. إذا كان الموضوع
موضوع غرائز وقضاء وطر ..
تركي هالكلام كله .. انتي تعيشين في وهم كبير اسمه الحب ..
و انتي مو مقصره معاه بشي ولو كنتي مقصره كان قالك في وجهك مراح يستحي منك ..
وهالايميلات الكثيره مو توه مجمعها أكيد من زمان قاعد يجمع فيها .. ويمكن والله أعلم من قبل زواجكم ..
لكن أنا شايفه حاجة إجابيه في موضوعك .. وهو انه باين أن علاقاته
الغراميه وخياناته غير جسديه
يعني في مجال لاصلاحه وإيقاضه من نومه .. وأتمنى أن لا يكون سبات عميق .. أتمتى أن تكون غفوة ضمير
كتبي له رساله .. قولي له الي في قلبك
( كنت ملاك في عيني .. كنت كبير .. كنت افتخر فيك بين الناس واقول انا زوجة فلان ..
إلى أن جاء اليوم الي شفت وبالصدفه هذي الايميلات .. انصدمت فيك لأني توقعت من كل الناس إلا انت
ليش توسي فيني كذا .. هل لأني حبيتك حب ملى علي حياتي .. لو كنت انا الي عامله هالعمل وش
كنت سويت فيني
لو كنت مقصره قولي وراح اتقبل منك بس ما تروح في طريق نهايته مظلمه ..
هل الي تسويه انت حلال وإلا حرام .. حط عملك في ميزان رب العالمين
لو كان حلال عطني الدليل ..
ولو كان حرام فاتق الله فيني وفي ابنك وفي نفسك )
التعديل الأخير تم بواسطة باريسا ; 06-03-2009 الساعة 10:09 AM