المشاركة الأصلية بواسطة زحمة الحياة
اقتباس:
|
يا عزيزتي حاولت احط لك اهداف ولكن كل مرة تكسرين مجاديفي ثم تبدين وتطفين .. قلتلك اشتغلي بالاسهم تخافين من الخسارة قلتلك سوي برامج مفيدة وانشريها في النت قلتي مالي خلق قلتلك سوي اشياء ابداعية ولا فكري بمشروع ونسوي تمويل وتخافين من الخسارة بس .. قلتي بتسوين اشياء في البيت قلتلك معاك تسوين شوي وتبردين بسرعة ... انا اعرف اني لازم اكون معاك بس يكون دوري مساعد لك بهمتك وعزيمتك نبدأ وانا اكمل معك واساندك س مو من البداية تطفين قبل لا نبدأ لمجرد الخوف من الفشل مستقبلا والفشل والنجاح بيد الله بس احنا نسعى نسوي شي .. واتوقع خوفك من الفشل نتاج التربية الي لا يوجد في قاموسها معنى الفشل ولا غفران للتقصير ولا تجاوز عن عدم القدرة فهذا ولد عندك احساس بأما انك تخترعين قنبلة نووية او ما تسوين شيء... حتى التدرج في الاشياء مو مقتنعة فيه اقولك سوي مثلا عروض بوربوينت وانشريها في النت يستفيد منها الناس تقولين فيه ناس كثير سووا كذا اقولك فكرك غير فكرهم تقولي لا ما ابي بي اسوي شيء ما احد سواه واقولك صعود الجبل يبدا بخطوات بسيطة وصولا للقمة برضه مو مقتنعة تبين تسوين شيء عظيم وخايفة من الشل وتحسين انك مو واثقة على انجازه صح ولا لا ؟؟؟
|
ايوه صحيح
طيب ما أقدر العزيمة تنقصني أحس إني أطفش ولا أقدر أكمل ولا حتى أبغى
العيب فيني ومو قادرة أتصرف
أحس إني عجزت وبموت ولا سويت شيء
بروح عن الدنيا ولا سويت شيء مفيد
ودي أسوي لكن أييأس وأوقف
وأنساه
وأتذكره يعني أوراقي مره ملخبطة
سنين من أيام ما أنا في الثانوي ويمكن قبل وأنا كذا
والحين صار لي كم سنة متخرجة
انت تقول لي مشكورا سوي وسوي طيب كيف أبدأ
وانت ليش ما تسوي معاي وتشاركني
صحيح عندك أشغال لكن ما يخالف خذني على قد عقلي
ولا تقولي سوي شيء أنا مالي خبره فيه وتطلب مني إني أتعلمة يصير علي ضغط نفسي كبير جدا
مادري شسوي بروحي
اقتباس:
|
دامني ساكت يا بنت الحلال اسكتي التقصير من الجميع انتي مثلا ما ترتبين كل الاشياء وانا وبنتي نحوس البيت فمتعادلين ... انكسر شيء خرب شيء ما سويتي شيء ومالو اهم شيء اننا بخير والي ما يتسوى اليوم يتسوى بكره ... ما رحتي ماجيتي ما كلمتي وماله الحياة اسهل من اننا نزعل على اشياء تافهة مالها داعي ما همتني ولا انتبهت لها او ما ركزت عليها ليش تحرثين عليها ؟؟؟
|
طيب أنا مو راضية عنها ومطفشتي ومزهقتني وأحس إني ودي أرمي كل شيء في البيت
وإذا جيت أرتب حتى كرتون المناديل الفاضي ما ودي أرميه أقول ممكن نستفيد منه ولا نسويله تدوير
وهذا اللي صاير في ذيك الغرفة كومة من نفايات الورق
وأخرى البلاستيك
ويالله
في كل مكان زحمة وفوضى
اقتباس:
|
انا ما اعارض اي نشاط تقومين فيه ولكن انتي تقللين من دورك الكبير في البيت انا اقعد ساعة مع بنتي شوي واذبحها وانتي 24 ساعة قاعده معها ... تغسلين المواعين وتطبخين الوجبات وتنظفين البيت يوميا لو انا مكانك جاني انهيار فظيع من الروتين ... قاعدة تربين بنتنا وتهتمين ببيتنا وتهتمين فيني وتتزينين وتكوين ملابسي وتنظفين ملابسنا وتغسلين بنتي اذا وسخت .... هذا شيء مو سهل انا لو مكانك انفجرت السبع فجرات ..فدورك عظيك وقدرك كبير لا تقللين منه في داخلي ...
|
الله يجزاك خير على إحساسك هذا
وصحيح إني أتعب وأحس إني بنفجر لكن أشوف الناس أفضل مني
بيوتهم مرتبه أحسن
اهتمامهم أكبر
أنا مو راضيه مثلا عن غسيلي أحسه مو مره تمام لازم يكون أحسن ولازم أشوف الخلل هل من الغسالة من الصابون من كمية الماء في الغسالة من درجة حرارة الماء
أحس راسي يعورني وأطفش
تربيتي لبنتنا أحس إن مقصرة فيها وإني قاعدة أخرب بنتنا
وهذه السن تتكون فيها شخصيتها من الولادة إلى 3 سنوات
كل شيء تتعلمة
ردود فعلي تعاملي مع الأشياء
ماودي تصير مثلي ودي تكون أكثر إيجابية
تبدع في تفكيرها تسوي أشياء حلوه مبنكره ومميزة
اقتباس:
|
يا طويلة العمر انا ما افكر بالشيء هذا ب لما تربطين تقصير يمكن ما انتبهت عليه او ما ركزت فيه لاني احسه تافه وما يستاهل الذكر لما ترينه تكبرين السالفة في داخلي عقلي الباطن يتبرمج انك انسانه حوسة دلخة رفلا ما تعرف ترتب وما تعرف تهتم وتضبط الاشياء فأقعد افكر بالموضوع لاشعوريا .. فليش تربطين التقصير بالذكر ..فيه تقصير ضبطيه من عندك ولا تطرينه لي ... كوني ايجابية في تعاملك مع الاشياء مو آلة للحلطمة والندب على "حظ زوجك" العاثر الي طيحك فيه ...
|
يبغى لي أهتم أكثر وما أحلطم ولا أشتكي عندك دامك تتبرمج بهذه الطريقة
الله يستر منك
اقتباس:
|
ووجهة نظري انا ما اصادر على احد حقه في الزواج من ثانيات صغيرات ولا كبيرات يبي يتزوج عشرينيه يتزوج يبي يتزوج ثمانينية يتزوج انتي اشحارق رزك ... الي يتزوج يتزوج .. يمكن عنده قدرة جنسية جبارة وماعنده مشكلة يتزوج آلة جنس انثوية .. شيء راجع له .. حتى لو مو بأسباب صحية مثلا لزوجته يبقى لوفاء شعور ذاتي من الزوج نفسه .. بالاضافة الى ان طبيعة الزواجات في مجتمعنا ينبني الحب فيها على العشرة فقط ويمكن ما يتكون حب يكون فقط كائنين حيين من جنسين مختلفين يسوون جنس ويملون الكرة الارضية بزران لابينهم فكر ول تكافؤ فتزوج ثانيه بعدين شيء مو مستغرب كرهته هي بعدين شيء صاير وياكثر البيوت الي اعرف وتعرفين لو القتل حلال في الاسلام كان قتلوا الازواج بعض بس زين انه مو حلال ..
|
في أشياء ما يقبلها العقل يعني مثلا وحده تحب زوجها واختارت تبقى معاه وهو ربي ابتلاه بعدم القدرة على الانجاب بعد مرور كم عقد من الزمان يتزوج وحده مطلقة وعندها أطفال وطبعا قالها مشكلتة ووافقت عليه
ايش التحطيم وقلة الذوق يعني يبغى يستمتع ويغير
يقول انحرمت من العيال طيب ليش أحرم نفسي من الحريم
والكائن الحي اللي اختارتك وكان بيدها تطلب الطلاق وتشوف رزقها مع واحد ثاني
طيب وحتى لو كانت البيوت مثل ما تقول ما تقوم على الحب وهذا اللي كثير صاير لكن هذا ما يعطي الواحد انه يتزوج ويطلق ويجرب ويستانس
على كذا الوحده بتطلب الطلاق وتنتظر حظ جديد لكن للأسف الحريم تتقفل في وجيههم الأبواب
والرجال كل الأبواب مفتوحة
اقتباس:
|
يا عيوني الحين مو الرسول صلى الله عليه وسلم قال بما معنى الحديث اذا رأى احدكممن امرأة ما يعجبه فليأت اهله او كما قال عليه الصلاة والسلام .. انا بشر .. احمل في داخلي مع القيم والايمان غريزة فطرية تخليني اشتهي واميل والقي النظرة الاولى وافكر واشتهي وووو الخ ... فيوم قلتل قلتلك لولا مخافة الله هذا الجانب الايماني ثم حبك ججانبي الاخلاقي والولاء حبك كان سربت .. يمكن اتزوج مصياف مسيار عرفي اي نيله واقنع نفسي انها على شرع الله ورسوله وامشي حالي .. ولا اتزوج رسمي .. ويوم قلتلها لك ابين لك حبي وشوقي بس انتي زعلتي وحلطمتي وقفلتي الجوال ولي 3 سنوات احاول اقنع فيك بوجهة النظر مو مقتنعة ...قلنا وقتها مرحلة وحام ..الحين ليش ما تقتنعين .؟؟
|
ليش ما غضيت بصرك وتعوذت من ابليس
مسافر لحالك في عمل شفت شيء عجبك في غيري من فين تجيبني ذاك الوقت
الله يعين شكله هذه فلسفة ذكورية
الحمد لله الذي عافانا مما ابتلاكم به
اقتباس:
|
انتي سالفتك سالفة الي على راسه بطحه يحسحس عليها .. فبدال ما تتضايقين دامني ما قلت شيء سويه الي تحسين انه خطأ وسويه صح وحلي المووع بدال ما تشيرين الي فيه وتذكرين نفسك بالسوء والتقصير قدامي حلي السفة وصل الله وسلم على نبينا محمد .
|
أنا محبطة وما أدري ايش أسوي عشان أوصل للي أبغاه
لو كنت أدري ما انتظرت الوقت اللي تقول ولا تدق فيه
اقتباس:
|
ربربتي يعن امتليتي بس ما قلت انك دبية والخف رحمة مو معنى هذا انك ما تعجبيني تعرفين شلون تعجبيني انتي والخف رحمة يعني لو خفيتي حلوة لو بيتي زي ما اني حلوة حتى لو سمنتي بتبقي في عيوني حلوة لا تخلين احساسك بالنقص يبرمجني انك مو حلوة ... لا تقولين المفروض ما تتبرمج وانا اقولك كثرة الدق تفك الحديد وهو احديد فكيف بزوجك المسكين وهو كتلة لحم وشحم وشوية عظام ؟؟؟
|
ما تعودت نفسي بكرشة وأنا كنت أرشق الرشيقات في فترة سابقة
وذبحتني انت بكلمة بتبرمجيني
المفروض تسمي نفسك - مستعد للبرمجة -
عاد لو إنك رشيق ما يخالف
الشبكة تعاير المنخل
اقتباس:
|
دامك تقولين عن نفسك فاشلة بتفشلين .. وش يضرك لو برمجتي نفسك انك بتنجحين بإذن الله ؟؟ ليش تحكمين على كل نشاط قبل ان تبدأي به بالفشل ؟؟؟ ليش تقللين من قدر نفسك ومواهبك ؟؟؟ عندك العلم والمعرفة والنور ليش تقللين ن قدرك ؟؟ ليشودك تسوين مليون الف شيء في وقت واحد واذا قلتلك ركزي على واحد قلتي ممكن اسويهم كلهم شف الحريم شلون يسوون ؟ يا عيوني صاحب البالين كذا وبدال ما يضيع جهدك العلمي والعملي في الف نشاط ما تنجزين منهم شيء ركزي في واحد وخلصيه ثم انتقلي لانجاز الثاني ؟؟؟؟ يعني اما تصيرين مدام كوري ولا ما تصيرين ؟؟؟ لله يهديك بس
|
أحاول أبرمج نفسي وأبدأ لكن ما أستمر
يعني مثلا حاولت أحفظ البقرة بديت فيها وحفظت جزء وقاربت على الثاني لكني وقفت وتحطمت وحسيت إني ما قدرت على إني في البداية قلت بقدر أحفظها وأحفظ القرآن لو أقدر ولكن تعثرت
ودي أتعلم انجليزي وأقوى القاعدة اللغوية البسيطة اللي عندي
شرينا أقراص مدمجة تعليمية وبديت في كم درس ووقفت
كنت بتعلم الفوتوشوب ودخلت منتديات متخصصة وبديت أجرب وحسيت نفسي ماعندي ذوق حتى مو قادرة أركب الألوان
وبتعلم الحياكة وبديت فترة وأنجزت كم شيء لكنه فيه أخطاء وقاهرتني ولا عرفت ايش هي
وهكذا
الشيء اللي يخليني أبدأ إحساسي إني بنجح بعدين أرجع أوقف وأحس بالفشل والإحباط
اقتباس:
|
تصدقين شكلي بديت اتبرمج بجد اشوف طاري العرس موجود حتى هنا ...
|
يا ذا العرس ذابحكم الله يعينكم على روحكم بس