حقلك كل الاجوبة مرة وحدة
الكوافيرات نادر مااروحهم
عندي هواية اعتني بنفسي لوحدي
مابروح الا بحالة القص او الصبغة وحتى ماعمري صبغت الا مرة كانت خصل وماعجبتني وعدلت عليهم في البيت لحالي وطلعو احلا
وقبل شهر قصيت ومارضيت تصبغ قال عشان الاطراف في بقايا اللون الاسود
عملت صبغة لحالي وماطلعت زي منفسي لكن ماشي الحال

انا ماعمري عملت مكياج عند كوافيرة الا يوم فرحي وحسيت انو لو عملت لحالي كان احلا
يوم خطوبتي كل شي عملتو لحالي والكل سالني مكياجك حلو عند اي كوافيرة عاملاه

كل المناسبات الخاصة والغير خاصة بعمل ميك اب لحالي وبطلع بجنن
اناعارفة الي بناسبني وبعملو
بحب المكياج الناعم وملامحي ماتلبق عليها الرسمات التقيلة بس بحس الكوافيرات مابفهمو وبعملو عمزاجهم
والنظافة اكيد مش مضمونة بكفي اسفنجة البودرة لكل البنات تستعملها افرض وحدة عندها مرض جلدي؟
صراحة انا لو يرجع بية الزمن ليوم فرحي بخلي الكوافيرة تعملي الاساس و البودرة لانو بدهم طريقة خاصة للعروس
اما باقي المكياج لو عملتو لوحدة كان احلا
بس ايامها ماكان عندي خبرة كتير بالاساس والبودرة لانو مابستعملهم
بعد متزوجت صرت خبيرة 100% فيهم
يعني لو هلأ اعمل مكياج عروس لنفسي بطلع بجنن وبكل ثقة

بكفي مكياجك انت عارفة ماركته ونوعه ونظيف
وحتى انا بقول لو وحدة مضطرة تروح كوافيرة تاخد مكياجها معها

واكتر مبلغ دفته يوم زواجي كان والله نسيت يمكن 100$ او اقل

انا صرت اتمنى اختي تخطب واروح اعمللها مكياجها وشعرها


والحمدلله انا مبسوطة بحالي
كل شي بعملو بالبيت

سواء وجهي او جسمي
حتى المينيكر والبيديكير بعملو في البيت وبرتب اظافري وبقصهم وبزبطهم ورجلية ايضا
حتى وحدة شافتني بتقلي وين عاملة اظافرك كتير حلوين

(مابطولهم كتير انا قصدي التهذيب وازالة الجلد الميت وترتيبهم)

شريت الة للمينيكر والبديكير
وعندي كلللل المستحضرات للايدي والارجل

مبسوطة ومرتاحة هيك بحس باستمتاع

في انتقاء مستحضرات عناايتي بالبشرة او الجسم او مكياجي او كل مايخص جمالي



لكن بصراحة انا ماكتير بزور الكوافيرات لكن حاليا بروح مركز تجميل واضح انو نظيف وماركاته عالمية لكن لم اجرب فيه شيء
لكن انا بقول كلامي من تجارب غيري او لما اتفرج عمكياج بتعملو الكوافيرة وهيك
مع العلم بكون رايحة مكان نظيف
بس الكوافيرات احيانا بستهينو بالزبونات
وبحسهم طماعات ومابشبعو بالمرة

بس يعني بصراحة مرة وحدة خبيرة تجميل وبشرة عملت تنظيف الي وماعجبني طلعلي حبوب وعمل حساسية
ونصحتني بمجموعة عناية بالبشرة وماعجبتي ولاحسيت بفرق رغم انها غالية جيرلان بس ماناسبتني

انا عارفة نوع بشرتي وعارفة كل الماركات وانواعها
لهيك بنزل اشتري مجموعات عنايتي بالبشرة بنفسي ومبسوطة
بس المحل الي في خبيرة التجميل صرت ازا بدي اروحو انقي مجموعات للبشرة الاقيها نطت تنقيلي وانا نفسي اقلها حلي عني ههههه

بس دايما بروح المراكز وبسال الي بتبيع شو في كريم لعمر 25 ووفوق مثلا وهيك يعني
انا بنقيهم و بتاكد منهم ومن مكوناتهم وكل شي ماباخد وبمشي


طولت الموضوع بس حبيت اقول تجربتي عشان كل وحدة تتاكد انو بامكانها تعمل كل اشي بالبيت
ويطلع احلا من برة كمان

__________________