طيب شاوري اهلك .. شوفي عندهم استعداد يفكرون يزوجونك أجنبي أولا
غذا عندهم استعداد خليه يتقدم وانتي بعدين تفكيرك بيكون على اساس .. بس الحين تفكيرك ماله اساس
واذا رافضين الفكره من الاساس ليش تتعبين راسك ونفسيتك وتجلسين بهذي الحيره
وإذا على الأفضليه لافضل لعربى على اعجمى الا بالتقوى
وصدقيني الاوربيين إذا اسلموا عن اقتناع يصبحون اوفياء ومخلصين جداً .. يعني لا خيانه ولا هم يحزنون
يمشون على الصراط المستقيم .. لأنهم تركوا هذي الاشياء بملئ اردتهم واقتناعهم مو ماخذين الشي بالوراثه
هذا اذا على الدين ..
بس في مشكلات ثانيه بتطلع لك
اولها تحطين في بالك انك خلاااااااص بتعيشين هناك على طول
ثانيها أطباعكم غير متفقه نهائياً
اللغة حاجز كبير .. حتى لو كنتي تتقنين لغته .. بتحنين للغتك الأم
اللغه الأم لها طعمها الخاص ..
والله انا لما سافرت دوله غير عربيه كنت فرحانه بالسفره وتغيير الجو والمناطق السياحيه
بس آخر الأيام تعبت .. تعبت نفسيتي .. قلت ابي عرب .. ابي اسمع ناس تتكلم عربي
صرت ادور في التلفزيون بس ابي اسمع عربي .. ابي تطرق اذني حروف لغتي حنيت لها كثيييييييير
و هذي بس سياحه .. وكانت سياحه رائعه ..
بس شوفي حتى النكته مراح تعرفين تقولينها
اوربي صعب .. صعب حتى لو متلزم نقدره ونحترمه ونفخر فيه كمسلم
فكري اكثر وشاوري اهلك
__________________
..كالاطفال نحلم إننا ننام على سحاابة بيضاء يعطرناا المطر ..