حبيبتي الغالية
والله مش عارفة ارد أقولك ايه محتارة جدا
لان المشكلة صعبة ولن تنتهي
لان سببها اهل زوجك اللي هيفضلوا اهله ليوم الدين
يعني لازم حل جذري للموضوع ووقفة حازمة من زوجك لينهي تدخل اهله في حياتكم
فعلا كان الله في عونك يا حبيبتي كفايه انك مستحملة كلام حماكي ده اللي يحرق الدم
بس ينطبق علي حماكي ده الاية الكريمة
خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ}-- الأعراف: 199
لازم يا حبيبتي تتجنبيه بقدر الامكان لانه واضح انه عنده خلل وربنا يشفيه ويعفو عنه
كمان زوجك سبب في هذه المشاكل
لانه بيقولك علي كل حاجة اهله بيقولوها وده غلط المفروض انه يحاول يحسن العلاقة بينكم ويهدي الموقف
مش يقولك الكلام اللي ابوه قاله اللي يحرق الدم
لكن واضح ان زوجك من طيبته وحبه ليكي مش بيقدر يخبي عليكي حاجة
شوفي يا قمر انتي لازم تكلمي زوجك وتتأسفي علي الكلام اللي قلتيه بخصوص الطلاق
وان انتي قلتيه في لحظة غضب لانك ما قدرتيش تستحملي كلام ابوه
وتفهميه انك لسة باقية عليه علشان العشرة والاطفال اللي بينكم
وانك موجوده في بيت اهلك لو فعلا بيحبك وباقي عليكي مش هيرضي لك ولا لاهلك بالاهانه
واعتقد بعد اللي حصل ده زوجك فهم اهله وموقفهم واكيد مش هيسمعلهم تاني
وربنا يرجعلك زوجك بالسلامة
ويعينك علي تحمل اهله وتصرفاتهم
__________________
اللهم بارك لي في زوجي وفي ابنتي واجعلها ذرية صالحة