دعواتكم يا اخوتي في الله
السلام عليكم ورحمة الله وبركاته
اخوتي في الله افتقدتكم جدا جدا الايام اللي فاتت
وكنت بتابع اخباركم من الحين للاخر بس ماكنتش بقدر أدخل وأرد عليكم وأشارككم
بس رجعتلكم تاني ومعايا خبر ان شاء الله يفرحكم لاني عارفة ومتأكدة اننا كلنا عيلة واحدة
واللي يفرحني اكيد يفرحكم وتتمنولي الخير زي ما انا بتمني لكم جميعا كل الخير
من غير ما اطول عليكم انا الحمد لله وبنعمته وفضله عليا
.
.
.
.
حامل
ما شاء الله لا قوة الا بالله
دعواتكم ليا ربنا يتمم لي بخير
لاني الحمد لله والشكر لله تعبانة جدا جدا وفي حالة صعبة من الدوخة والغثيان والتعب
حالتي الصحية تعبانة جدا بسبب الأدوية وقلة الاكل والغثيان اللي ملازمني والله احساس صعب جدا
انا الان عند اهلي سبحان الله كنت جاية زيارة عادي واكتشفت اني حامل
ولحد دلوقتي مش قادرة اسافر ارجع بيتي لان الدكتورة قالتلي السفر خطر جدا وخصوصا انه 3 ساعات سفر
المفروض اني اعمل تحليل التكسوبلازما لاني كان عندي قطة وكلكم عارفين اللي ممكن يسببه فيروس القطط ربنا يستر
بس والله ما فيني صحة اني اروح اعمله وخصوصا انه تحليل دم
وانا طبعا بدوخ ويغمي عليا لما اخد حقنة والله مش عارفة هعمل ايه في الولادة ادعولي اتخلص من الخوف المرضي ده لاني والله تعبت
بحاول اقوي قلبي واشجع نفسي لكن مفيش فايدة شكلي كده محتاجة طبيب نفسي بجد
الحمد لله علي كل حال
ربنا عز وجل بيقول في كتابه الكريم (وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ ...
والله الان بس حسيت بمعني الأيه دي
لما اكون مش قادرة انام من كتر الدوخة واحساس الغثيان اقراها واقول صدقت يا الهي
انا عارفة اني طولت جدا بس اعمل ايه وحشتوني وعايزة اقولكم كل اخباري
ويارب يرزق كل اخواتي عاشقات حلم الامومة عن قريب ويفرحوا باولادهم امييييييييييين يارب العالمين
مستنية دعواتكم ربنا ما يحرمني منكم
..ربي أوزعني أن أشكر نعمتك التي أنعمت عليّ وعلى والديّ وأن أعمل صالحاً ترضاه
__________________
اللهم بارك لي في زوجي وفي ابنتي واجعلها ذرية صالحة