المشاركة الأصلية كتبت بواسطة مضيعه برقعها
السلام عليكم ورحمة الله وبركاته
حبيت اكتب مشكلتي لمجرد الفضفضه يمكن ارتاح وترتاح نفسيتي لاني ماعندي من بعد الله الا انتم يااخواني
انا كتبت موضوع في القسم المفتوح بخصوص طلب من الاخوان والاخوات الدعاء لزوجي بالشفاء العاجل لانه في حاله حرجه والدعاء له بان الله ييسر له امور السفر للخارج للعلاج
والحمد لله انه تحسنت حالته من قبل ولكن مازال في العنايه المركزه للملاحضه وفي انتظار اجراءات السفر
وكانت هديته لي انه لما حس بانه في حال احسن من قبل طلب مني اجيب له الجوال علشان يكلم بنات الحرام ولاتقولون يمكن ظالمته انا سامعته من قبل وعندي كل اخباره من خيانات وغيره لكن ليش ياناس هالنذاله وهذا جزاء المعروف والاحسان وقفت معه اكثر من اهله في مرضه وهو مو قادر يصبر عن بنات الحرام حتى وهو في العنايه يبي يكلمهم ومو صابر عنهم وللعلم الجوال غير مسموح في العنايه ومع هذا ملزم يكلم
تكفون تدعون بان الله يبعده عن بنات الحرام ويهديه لي ولعياله بموت من همي وغمي
الله يعلم بالحاله اللي انا فيها الحين ومع هذا مابينت له اني متضايقه علشان صحته ونفسيته وانا من داخلي منهاره ومازلت اقوم بواجبه وازوره واكون له الممرضه والدكتوره والام وكل شي
اللهم اجرني في مصيبتي واخلفني خير منها يارب
لاتنسوني من الدعاء
|