والله يا اخوي كأنك تتكلم عن بيتي هدا داخل وهدا خارج وياليت كمان يكون في موعد سابق عشان تستعد ولاتعتذر لا يحطوك قدام الامر الواقع تكون جالس في امان الله فجأة يدق الباب او الجوال احنا جينا افتحو الباب

والله انا كنت ولادة عند اهلي وبس طلعت بعد الولادة بثلاثة اسابيع اجيب اغراض عشان زوجي بيسافر جلست اربعة ايام وجوني ضيوف حسيت نفسي اقتلهم يعني تعبانه ومالي نفس استقبل والجرح لسا ما لئم وانتو جيتو

دحين لي شهرين في بيتي والله وانا كل اسبوع عندي ضيوف

واللي يزعل اني انا سفر كمان ولما انزل البلد اللي هما فيها والله حتى بلكذب مايقولو تعالو عندنا وحتى لما يسو عزومة انا وزوجي في قائمة غير المدعوين

اسفة على الاطالة والله يكون في عوني وعونك