عرفيها ان خلقة ربنا كلها حلوة وان ربنا سبحانه وتعالى بيقول( ولقد خلقنا الانسان فى أحسن تقويم ) يعنى ربنا مابيخلقش حد وحش ابدا وان الولد ده ما عندهوش ايمان ولاذوق
عرفيها اننا ما نقدرش نخلق ظفر صغير مهما حاولنا
واحكى لها حكايات عن ولد مغرور كان فاكر نفسه اجمل ولد فى الكون ودايما بيسخر من زملاؤه وبيقول انهم اوحش منه لحد ما فى يوم من الأيام عمل حادث اليم بالسيارة واتشوة وجهه الحلو وبقى يخوف وكل اللى يشوفه يخاف منه وبقى بيتمنى لو ان يكون شكله حتى زى اوحش ولدمن اصحابه اللى كان بيسخر منهم وقولى لها دى دايما جزاء اللى بيسخر من زمايله
كمان تابعى الموضوع مع مدرستها وما تسكتيش لازم الولد ده يعتذر لها امام الفصل كله ولازم تأخدى حق بنتك علشان ثقتها بنفسها ما تهتزش
وهاتى مراية ووريها مثلا جمال عيونها وأسنانها وقولى لها ان الجمال مش فى لون البشره فقط
واحكى لها عن قصص الصحابه اللى كانت بشرتهم سمراء بس قلوبهم واعمالهم ابيض من الحليب زى بلال مؤذن الرسول
وعطيها ثقه بنفسها وامدحى فى شكلها امامها كثيرا حتى تصدق تماما انها جميله.
بارك الله لك بها وانبتها نباتا حسنا.