لاحظت أنه أغلب ردود الأخوة و الأخوات .. لم تجاوب على حيرتك ..

و أحاول بإذن الله أن أساعدك ..
طبعا الخوف طبيعي .. و التوتر ما قبل الزفاف ..

علشان السويت و أنه مفتوح على الصالة ..
أول ما تنفردين أنت و زوجج بالغرفة .. و بعد السوالف ( خاصة أنكم متعودين على بعض ) .. تقدرين تقوليله ينزل يقعد بصالة الفندق مثلا .. أو يروح يجيب أي شي من السياره .. حتى تخلصين و تبدلين ..
التسريحة .. قولي للكوافيرة ما تكثر من السبراي و المثبت فيها .. علشان ما تغسلينه و تتبهدلين و أنت تفتحينه ..
( أغلب صديقاتي .. أزواجهم فتحوا لهم التسريحة و بعدين طلعوا من الغرفة ) ..
المهم .. بعد ما تفتحين التسريحة..
تروحين تتحممين .. حمام سريع .. و مجموعة الحمام الخاصة فيج لازم تكون معاج ..
لبسي قميص النوم الأبيض..
حطي ماكياج خفيف جدا .. و تسريحة ناعمة .. أو خليه مفتوح أحلى ..
تعطري و قعدي انتظري الزوج الكريم ..
طبعا .. حاولي قدر المستطاع ما تخلينه ينتظر وايد .. يعني قوليله .. نص ساعه تكفيج .. لأنه أغلب الرجال ما يحبون الإنتظار ..
و نصيحة .. ( قميص النوم + مجموعة الجسم + العطر + الماكياج اللي بتستخدمينه ) كله يكون بشنطة لحاله .. على أساس ما تتبهدلين و أنت تدورين على الأغراض اللي تريدينها .. خاصة مع التوتر ما بتعرفين وين الغرض الفلاني .. فحطي أغراضج اللي تبغينها في هذيك الليلة .. بشنطة لحالها ..


و الله يوفقج يارب و يسعدج دنيا و آخره ..