اقتباس:
المشاركة الأصلية كتبت بواسطة سديم الود
السلام عليكم هذي اول مشاركة لي بالمنتدى راح اعرض عليكم مشكلتي أنا وخواتي وهي انه عمري 25 سنة ومعلمة ولدي خمس أخوات اثنتان منهم موظفات اعمارهم 28و29 سنة والباقي اللي جالس بالبيت واللي في الكلية واختي الصغيرة بالإبتدائي
.
|
هلا فيك .. شوفي حبيبتي
لا انتو اول ناس ولا آخر ناس بهذا الوضع .. مافي رجال يصلحون لكم ..
لو جايين ناس مضبوطه ابوك ما ردهم .. هو بعد يبي سعادتكم .. مايبي يحطك في ايدي غير امينه
وبعدين انا ما اشوفكم كبار كثير .. انا أعرف ناس صارو في اربعين وما تزوجوا
ومو وحده ولا ثنتين البنات كلهم ..
و بعدين الدعوه مو زواج وبس .. الزواج يا يكون على اساس قوي وصحيح ولا بلاه احسن
لأن بلاويه واحباطاته اكثر .. وابوك معاه حق صحيح المفروض يقولكم انه في خطاب جاو لكم
بس هم بعد الغير متعلم لا تبينه .. يذبح .. هذا شلون تتفاهمين معاه
وانتي معلمه وتعالي على الغيره .. هذي الي تدمر الحياة
مهما سويتي بيحس انك متكبره عليه عشان تعليمك اعلى .. لأن النقص في داخله هو
اقتباس:
المشاركة الأصلية كتبت بواسطة سديم الود
المهم تعبنا من نظرات الناس والسؤال الذي يتردد لكل من رأنا وهو ( ليش ماتزوجتو إلى الآن ) مع ان أبوي مركزه مرموق ومعروف واللي يتشمت واللي يتفاخر علينا بأنه بناتهم تزوجوا
.
|
وانتي ايش عليكي من الناس خليهم يتكلمون لين تنشق حلوقهم .. ناس فاضيه ومخهم فاضي
يبون شي بس يتكلمون فيه من فضاوة مخهم
والله كل شي قسمه ونصيب
وهذي ارزاق .. وبناتهم الي تزوجو بدري هذي مو من شطارتهم ولا من جمالهم
كل مافي الموضوع أن الله كاتب لهم هالشي
وكل تأخيره وفيها خيره .. مدامكم ناس طيبه ومؤدبات وتخافون ربكم وتراعونه
خلاص لا تتعبين نفسياً .. انتي ما تدرين عن شي ..
انتي بس ادعي وتركي لله التدبير هو أعلم بالصالح لنا أحنا البشر
الله ما يبي لنا الا الخير والصلاح ..
ومتى ما صار الوقت المناسب لك .. الله راح يسهل الموضوع بشكل ما تتخيلنه
بس الحين كل هذي العوائق تصير لأنه ما بعد يجي الوقت المناسب لك في علم الله
اقتباس:
المشاركة الأصلية كتبت بواسطة سديم الود
لدرجة من سذاجة وحدة تقول لأختي الكبرى ( 6بنات وماتزوجتو ا الله يعين ابوكم)
.
|
تدرين عاد هالاشكال بالذات روحي شوفي حياتهم ..
تفكرينها مبسوطه والا تفكرين زوجها مبسوط منها .. والا على بالك زوجها لقطه ..
دخلي بيتهم وتفرجي على البلاوي
صدقيني هواش وخناق وعدم اتفاق ..
اذا قالت لك مره ثانيه كذا قولي لها .. الزواج اهم شي فيه الاتفاق مو لقب اجتماعي والسلام..
وش فايده زواج نكد وضرب وعدم احترام ..
انا ابي اربي عيالي في بيئه صالحه مو بيئه خربانه بس صراخ ومطاقق
ويطلعون بأمراض نفسيه
اقتباس:
المشاركة الأصلية كتبت بواسطة سديم الود
والله ان اختي الكبرى تقول شكلي راح افصل من العمل تجنبامن السوال المتداول والذي يتردد دائما
مع العلم انه تقدم لنا خطاب ولكن الوالد الله يهديه رفض بحجة انهم غير متعلمين ولم يخبرنا الناس هم اللي
.
|
هذا اكبر خطأ ترتكبه في حياتها .. لا تترك شغلها ولا شي .. تحمد ربها على الي هي فيه
ناس غيرها تبي مو شايفه .. وليش تفصل وعلى شان مين !!
ترى هليام المتزوجات صارو اهم الي يشتغلون كله هروب من البيت والمسؤليات
تقوم اختك الي ما عندها مسؤليات تفصل ..
ليش تفصل .. مين تقعد له في اليت .. تقعد حق الهم والغم .. خليها منشغله افضل لها
وتحمد ربها على النعمه
اقتباس:
المشاركة الأصلية كتبت بواسطة سديم الود
والله تعبت نفسياتنا من الناس ملحوظه ( وهو اننا قليل الاختلاط بالناس ونميل الى الهدوء النسبي ومانخرج من البيت الانادرا)
والله إننا نصلي الليل ونستغفر وندعي ولكن كل تأخيره فيها خيره
انصحوني جزاكم الله خيرا.
|
ماله الداعي التعب النفسي ارضوا بالي الله كتبه لكم .. لأنكم مهما تعبتوا مراح تجيكم إلا الأمراض
وفي النهايه مراح احد ينفعكم .. بتصيرون عرضه للشفقه والشماته بعد .. خلكم بصحتكم
ومهما سويتوا مراح يصير الا الي الله كاتبه وفي الوقت الي الله محدده ..
فالأفضل أنك ترضين اريح للنفسيه .. مع الاستمراربالدعاء والاستغفار بهذي النيه
ريحي نفسك ترى والله وضعكم افضل بمليون مره من غيركم ..
والله يوفقكم
__________________
..كالاطفال نحلم إننا ننام على سحاابة بيضاء يعطرناا المطر ..