انا من رايي انك ماتصلح الخطأ بخطأ
يعني لو جيت عطيتها كف راح تعاند زياده
لكن خل شخصيتك اقوى منها
حاول تفرض رايك عليها لو كان صح طبعا
خلها تحس ان الراي الاول والاخير لك انت وبس
يعني هي ممكن تناقشك وتقنعك لكن برضاك طبعا مو انها تعاند وتمشي رايها صعبه وايد
كلمها بالطيب واذا اصرت على رايها عطها العين الحمرا مثل مايقولون عطها كم كلمه من باب التخويف
واطلع من البيت على انك زعلان ومايعجبك تصرفها...
وخلها كم ساعه ولو اتصلت لاترد عليها او اقفل تلفونك هي اكيد في هالفتره راح تحس على دمها شوي
واذا رجعت لاتعطيها وجه ابد لين تتأدب...
وبعدين شوووف انا اتوقع ان في احد يوزها
يعني مثلا تجيها صديقتها تنصحها تقولها خلي رايك انتي اللي ماشي بالبيت ومن هالكلام وهي تجي وتطبق اللي تسمعه
وهذا الكلام فعلا حقيقه وانا سمعت منه كثير لكن في ناس تهتم لهلكلام وناس ماتهتم...
واذا كان هذا طبع فيها من الصغر بيدك تغيره مع الووقت لكن بالبدايه اقولك جرب هالطريقه بس لاتضعف ابد
حتى لو رجعت للبيت لاتضعف وترد تسولف معاها ولاتكلمها خلها هي اللي تجيك معتذره
والله يسعدك يارب ويهدي زوجتك