حبيبتى ام جوجو أنا اعرف الرياضة دى وبأعملها كمان كل يوم بس نسيت ارد عليكى آسفه!!
أنا هأوصفها لك ويارب تفهمينى هى عندى بالصور فلاش بس مش عارفه انزلها على المنتدى لأنى جايباها من منتدى تانى
المهم ياستى انتى تجيبى زجاجتين ماء سعة 1 ليتر أو لو عندك دمبلز يبقى احلى (أثقال يعنى) وتجلسي على الأرض مربعة رجولك مع المحافظة على استقامة ظهرك
ارفعي الاثقال مع ملاحظة ان يكون الكفين متقابلين
اثني الجزء السفلي من الذراع وحافظي على الجزء العلوي مستقيما
لا تدعي الاثقال تنزل كثيرا خلف ظهرك وأهم حاجة انك لما ترفعى ايدك لفوق تشديهم جامد جدا وكمان لما تنزليهم ورا ظهرك ما تخليش الجزء العلوى من ذراعك يتحرك نهائيا اللى بيتحرك هو فقط ذراعك من من المرفقين الى الرسغين
كرري العملية 8 الى 12 مرة( التمرين ده للعضلات الخلفية اعلى الذراعين)
وفيه تمرين تانى للعضلات الأماميةأعلى الذراعين وهو
اجلسي زى التمرين السابق مع المحافظة على استقامة ظهرك ودعي يديك ملتصقتان بجسمك ومفرودتان
ارفعي الاثقال الى كتفيك عن طريق ثنى يديك لأعلى وحافظي على هذه الوضعية لثوان
كرري العملية 8 او 10 مرات ومن ثم استريحي 20 ثانية قبل تكرارها
ملاحظة: يمكنك رفع كل يد لوحدها في كل مرة
وانتى لو عملتى بحث كتبتى فيه ( لمن يهمه الأمر تمارين لجميع أعضاء الجسم مع صور فلاشية) هيطلع لك الصور اللى بأقولك عليها


وعلى فكره انا قبلت التحدى يالله ربنا يعين