السلام عليكم ورحمة الله وبركاته
ازيكم فى اول يوم مع رجيم التخلص من السموم
النهارده فطرت خس وجزر وجرجير وبصل اخضر وليمون وحليت بربع موزه وشوية فراوله
والغذاء كان شوربة خضار عباره عن كوسه وبسله وقرنبيط وفاصوليا خضراء وبطاطس وجزر وبصل اخضر وبصل عادى وثوم وزنجبيل وأضفت لهم ماء وملح وفلفل وعصرت عليهم ليمون وقت الأكل وطلع طعمهم كويس وحتى عجب ابنى وأكل معايا والحلو كان ربع موزه ونصف تفاحة ونصف برتقاله وشوية فراوله
اما الرياضه فلسه ما عملتش لأنة عندى دورة انفلونزا هاده حيلى ومخليانى راقده فى السرير بس دلوقتى اخدت مضاد حيوى وادول واول ما يعملوا مفعول هأقوم امش ساعة باذن الله
ها انتوا ايه اخباركم مع اول يوم
ان شاء الله ربنا يعيننا ونقدر نكمل لأنى شايله هم ثالث يوم اكثر حاجه علشان هيكون كله شرب من غير اكل وده هيكون صعب فعلا
love of life ها انتى كملتى فى الرجيم من بعد اول يومين ولا وقفتى عند ايام العصير طمنينى لأنى ما فهمتش معنى كلامك هل وقفتى ام لازلتى مستمره
على رأى ام جمانه انا النهارده وانا بأفطر حسيت انى مجهزة أكل لأرنب مش لبنى آدم