يا حبيبتى يا ام لؤى شكرا على كلامك اللى زى العسل وربنا يخليكى لى انا فعلا حتاجة دعم وتشجيع
حبيبتى الغربة مره رجيمك فعلا شكله صعب ربنا يعينك يعنى انا مش متخيلة انى هأشرب عصائر فقط طول اليوم لازم أقرقش!!!!!!!
حبيبتى هرد اطمنى انتى مش الأرنبة الوحيدة هنا أنا لسه مناضلة ومستمرة ولكن حاسه دلوقتى بحاجات غريبه زى بروده شديدة جدا فى أطرافى وخفقان بزيادة فى القلب وطبعا البرد لازال مستمر وهالكنى ربنا يعين وأحسن حاجه انى كل شوية اقوم آحد شوربة خضار واعصر عليها ليمون كثير لكن مفتقدة الشاى وبشده
بس ما اعرفش ازاى هأقدر على تكملة الرجيم وخصوصا انه من بكره هيكون عصير مش أكل ربنا يستر وما انسحبش وأقول كفايه
حبيبتى باريسا يا بختك أنا دلوقتى بس أدركت قيمة وحلاوة رجيم السعرات ...... يا أختى والله ده رجيم الفواكة والخضار ده متعب قوى.
عايزة أقولكم كمان انى جيت على نفسى النهارده وقمت مشيت ساعة مشى سريع لكنه ابطئ من كل مره شوية لمدة ساعة بس بعدها زاد على التعب اضعاف والله المستعان.