أختى ساندى حبيب ماشاء الله رجيمك حلو ومدروس كتير بس أنا بأقلل عنه فى الفواكه علشان انزل السعرات شويه
ومشكوره على المعلومات القيمة يا قمر وخليكى متابعه معانا عايزين أخبارك أول بأول
أختى الغاليه الجنة غايتى يالله احنا كلنا جنبك ولازم تقهرى الوزن وترجعى أحلى من وزنك قبل ال8 شهور كمان استمرى وربنا معاكى ومعانا اجمعين.......آه لسه قارئه انك اكلتى عجه دلوقتى بألف هنا على قلبك يا حبيبتى وياريت لما تعملى العجه بعد كده تخليها ببياض البيض فقط وحطى ياستى بياض ثلاث بيضات بحالهم مع الخضار فى البايركس ودخليها الفرن وأنا ناويه انزلها قريب جدا فى عالم الطبخ بس استنى على
أختى الحبوبه هرد تصدقى انتى دمك زى العسل وأحلى حاجه انك بتحبى القرقشه زى بس يا حرام محرومين قرقشه تعرفى انا النهارده العصر كنت متنرفزه جدا وبأقول ريجيم ايه بتاع العصير ده أمال ربنا خلق لنا اسنان وانياب وضروس ليه علشان ننظفهم بالفرشاه بس يعنى ونلمعهم ونعينهم جوا بقنا ........هههههههههههه
بس ولا يهمك مستمره لحد ما أشوف مين فينا هتستسلم الأول.....
نورا يا نورا ياأحلى نوره .......زعلانه منك !!!!!! ليه اللخبطه احنا بنقول خطوه لقدام من غير عشره لورا ...... آخر تحذير لكى والا هأوصى البيبى بتاعك يصحيكى طول الليل ماشى ........
أنا النهارده شربت 2 كوب شوربة عدس ونصف كوب فاكهة مشكلة ونصف كوب سلاطة معصورة بس حاسه انى كده اخدت سعرات اكثر من رجيم السعرات والله . ربنا يستر .
